La tecnica tar la lutga sto esser sco in reflex.
La preparaziun sin ina festa da lutga oz è autra che dals temps che Paul Orlik gieva en il resgim. Ils figls da Paul Orlik, Armon e Curdin, prendan dapli temp per trenament, sa preparan pli professiunal. Oz vegn trenà pli effectiv, cun dapli savida. Er la lutga ha fatg progress, di Paul Orlik.
Per cletg avev'jau gia mia dunna.
Da professiun è Paul Orlik policist. Dapi 31 onns lavura el tar la Polizia chantunala sin il post a Landquart. Blers onns è el era stà grenadier. Tema ha el mai gì.
Jau hai schon gì tschertas situaziuns fitg privlusas.
Sco policist ha Paul Orlik pudì profitar dal sport sco lutgader ed er dal judo. Ins vegn segirs da sa sez e sa co sa defender. E quai gida fitg e dat uschia ina tscherta ruassaivladad. Ed er da star calm, da discurrer cun vusch quieta haja gidà tras bleras situaziuns.