Sch’el avess surpiglià l’affar dal bab, fiss el oz pur. Siemià ha el dentant da daventar skiunz, studegià ha el lura architectura, uss è el artist. Patrick Salutt (29 onns) ans piglia cun sai sin viadi tras sia biografia da Susch a Mals, Vienna, Bahrain, Hamburg e puspè enavos en Engiadina entamez sia exposiziun actuala en la galaria «The Stable» a S-chanf.
Daventar artist è per mai l’unica opziun che fa senn en il mund d’ozendi
L’art cun sias disciplinas saja in champ uschè vast e liber, che na daventa mai lungurus.
Ils purtrets da Patrick Salutt
1 / 5
Legenda:
Experiments cun colur
Patrick Salutt ha experimentà cun colur industriala per tenscher stoffa – dimena cun colur ch'è fatga per taila, ma betg per malegiar.
MAD
2 / 5
Legenda:
Patrick Salutt ha studegià architectura a l'universitad tecnica a Vienna e pictura a la scol'auta d'art figurativa a Hamburg.
MAD
3 / 5
Legenda:
Sin mintga taila ha Patrick Salutt lavurà cun ina colur. Ma era sche ils purtrets en monocroms paran els policroms grazia al gieu da cler e stgir.
MAD
4 / 5
Legenda:
Ils purtrets da Patrick Salutt en exposts anc enfin ils 11 settember 2022 en la gallaria The Stable a S-chanf. Las sculpturas en da l'artista americana Gianna Dispenza.
MAD
5 / 5
Legenda:
L'artist oriund da Susch Patrick Salutt entamez da ses purtrets ch'el ha stgaffì avant in onn a Hamburg.
MAD
Quai era numnadamain il problem tant tar l’ir cun skis sco era en l’architectura – massa svelt, massa lungurus.
Sche jau enconusch gia la resposta, perd immediatamain l’interess
En quest Profil raquinta Patrick Salutt da ses experiments cun colur industriala, pertge ch’el ha prendì cumià da l’architectura e da ses envierns sco magister da skis.
