Siglir tar il cuntegn

Header

video
Nova musica da Mattiu - «Forza»
Or da Giuventetgna dals 07.01.2022.
laschar ir. Durada: 2 minutas 24 Secundas.
cuntegn

Nova musica da Mattiu Cun «Forza» en l'onn nov

Avant dus onns ha Mattiu Defuns publitgà sia ultima chanzun «Ura». Cun quella ha il giuven da Trun inditgà ch’el vegn en il futur a prender in pau in’autra direcziun musicala.

«Forza» è l’emprima single d’insaquantas che suondan quest onn e che vegnan lura fin 2022 era publitgadas en furma d’ina EP – in pitschen album. La nova musica da Mattiu – che lascha dal reminent davent il «Defuns» per ses project actual – tuna sferic e derasa in’atmosfera fitg speziala, bunamain meditativa. Igl è in pass davent da la musica commerziala vers musica pli experimentala e pli specifica.

audio
Mattiu preschenta sia nova single «Forza»
ord Actualitad dals 06.01.2022.
laschar ir. Durada: 3 minutas 35 Secundas.

Ina tegia en ils culms ed in studio en la citad gronda

Era per realisar ses project ha Mattiu prendì novas vias. Ensemen cun David Bucher da Dabu Fantastic ha el elavurà in nov concept musical cun la finamira d’auzar sia musica sin il proxim nivel. Per registrar parts d’orchester per sia musica èn els sa mess sin via en ils Hansa Studios a Berlin. In studio renumà nua ch’era gronds artists sco David Bowie, Iggy Pop u U2 han pli baud registrà lur musica. Mattiu n’è dentant betg David Bowie u Bono, e per ch’ins audia quai en sia musica chanta el anc adina per rumantsch. Betg tut è vegnì registrà a Berlin. Ina part è naschida en ina tegia sur Sedrun ed en la chaplutta Sogn Benedetg sur Sumvitg.

Ils proxims mais vegn Mattiu anc a publitgar insaquantas singles e vers mez da l’onn suonda in’EP – in pitschen album cun sis chanzuns novas.

RTR actualitad 07:00

Artitgels legids il pli savens