Siglir tar il cuntegn

Header

Navigaziun

Purtret da Linard Candreia.
Legenda: Linard Candreia. mad
cuntegn

Nossa litteratura Linard Candreia

Linard Candreia, naschì l'onn 1957 a Casti.

Linard Candreia è creschì si a Casti en Val d'Alvra ed ha frequentà il Seminari da scolasts a Cuira. Suenter ha el fatg in studi da scolast secundar a Friburg ed ha alura dà scola a Salouf, a Churwalden, a la Scuola Svizzera di Catania, a Laax ed en la Scola mercantila Surselva a Glion. Dal 1996-2000 è Linard Candreia stà president da la Partida socialdemocrata dal Grischun ed el è stà dirigent da differents chors, tranter auter dal Chor viril da Laax. Actualmain è el scolast d'istorgia e da linguatgs al progimnasi Laufental-Thierstein. El viva cun sia famiglia a Laufen (BL), nua ch'el s'engascha sin champ politic e cultural.

Linard Candreia scriva en ils idioms surmiran e sursilvan, sco era en tudestg. El scriva istorgias curtas, columnas ed "Impuls" per il Radio Rumantsch.

Ovras

  • Notiztgas dalla Sicilia, 1990
  • Pflastersteine - Crappa da sulada, 2003
  • Miniaturen – miniaturas, 2006
  • Zurück nach Marmorera - Über das kurze Leben des Auswanderers und Saisonniers Flurin Lozza (1870-1919), 2009
  • Fastezs digl passo, 2011
  • Hanna la Tirolra: digl Vnuost agl Grischun, 2013

Differentas contribuziuns da tempra local-istorica e litterara en divers chalenders rumantschs (Calender Romontsch, Calender per mintga gi, Calender grischun central).

Distincziuns

  • Contribuziun ad in'ovra Pro Helvetia, 2004
  • Premi da renconuschientscha dal chantun Grischun, 2015
Legenda: Guardar il video Linard Candreia: Hanna, la Tirolra (2014). Durada 03:19 minutas.
Or da Telesguard dals 13.02.2014.