Vic Hendry ha passentà sia uffanza en Tujetsch nua ch'el ha er frequentà las scolas elementaras. Suenter il seminari da scolasts a Cuira ha el dà scola intgins onns a Selva. I suondan studis sco scolast secundar a las universitads da Turitg, Milaun e Friburg. Scolast secundar a Camischolas ed a Schaffusa. Vic Hendry ha er lavurà en differentas instituziuns socialas e pedagogicas. Sper sia lavur sco scolast era l'autur era president da la Quarta Lingua a Turitg ed è s'engaschà sco president da l'Uniun da scripturas e scripturs rumantschs (1970-73). Plinavant è el stà redactur da la «Litteratura» (1991-95). Enfin sia mort ha Vic Hendry vivì a Schaffusa.
Intginas ovras
Prosa:
- Tia veglia daventi (1957)
- Spendra nus dil mal(1961)
- Pieder de Pultengia (1964)
- Il fegl digl anticrist (1967)
- Ils Saracens vegnan (1974)
- Passidas (1981)
- Brevs passas (1984)
- Cun l'auter a pèr (1991)
- Pugns da vesta(2003)
Lirica:
- Paun cucu (1990)
- Auras / Windzüge (1995)
- Muments en la natira (2000)
- Alleger e pietigot (2003)
- Miu plaid scol suer digl izun / Mein Wort mit Waldbeerengeschmack (2005), rumantsch e tudestg
- Anemona alva - 20 Poesias (2007), sursilvan / deutsch / italiano / français
- Columnas / Kolumnen (2010), sursilvan / deutsch
Gieus auditivs e contribuziuns per il radio. Differentas biografias.
Distincziuns
- Premi da la fundaziun Schiller, 1962
- Fontaniva, 1970
- Premi da RadioeTelevisiun, 1980
- Premi da renconuschientscha dalchantun Grischun, 1984
- Premi Schiller, 1992
- Premi da cultura dal chantun Grischun, 2001
- Differentas contribuziuns ad ovras Pro Helvetia
- Premi litterar USR (pliras giadas)
