Siglir tar il cuntegn

Header

cuntegn

Diari Dumengia

Il terz di als Dis da litteratura 2017

Il ticker cun tut il tic e tac da Domat.

Il ticker è a fin

  • 15:08

    Ils "gieus" èn a fin

    Il pled final final ha il comité d'organisaziun dals Dis da litteratura 2017 - da sanester: Natalia Tuor, Corina Schmed, Laura Decurtins Rosset e Sereina Nay. Absenta: Sara Francesca Hermann.

    audio
    Il pled final da Sereina Nay dal comité d'organisaziun
    ord Actualitad dals 05.11.2017.
    laschar ir. Durada: 16 Secundas.
  • 15:00

    Theo Haas cun ina buna nova

    Sco mintg'onn ha Theo Haas, president da la Vischnanca burgaisa da Domat, fatg il pled final als Dis da litteratura. In'occurrenza che la vischnanca burgaisa sustegna finanzialmain. E quest onn ha Theo Haas perfin pudì communitgar che la vischnanca burgaisa haja augmentà a partir da quest onn l'import da sustegn.

    Theo Haas, Domat
    Legenda: Il president da la Vischnanca burgaisa da Domat Theo Haas RTR
  • 14:27

    Trenà las musclas litteraras

    Sut il pseudonim «Yör Kauči» ha il personal-trainer Jürg Gautschi fatg fitness litterar. En ina prelecziun scenic-acustica ha l'artist reflectà l'agen training e bainesser en e dador studios da fitness. Jürg Gautschi ha cun questa performanza furmà il davos punct da program dals Dis da litteratura 2017 - e damai trenà las musclas dal publicum per il proxim onn a Domat.

    audio
    Invistas en studios da fitness - da Jürg Gautschi
    ord Actualitad dals 05.11.2017.
    laschar ir. Durada: 1 minuta 16 Secundas.
  • 13:43

    Live da Domat

    La redactura Angela Hendry en acziun. Ella ha rapportà al radio durant tut ils trais dis da la fin d'emna da litteratura a Domat. Tranter auter er live sco qua en discurs cun Ivo Orlik, il moderatur da las Gratulaziuns.

    audio
    Angela Hendry rapporta live da Domat
    ord Actualitad dals 05.11.2017.
    laschar ir. Durada: 2 minutas 59 Secundas.
  • 13:16

    Bain in zic gnervus...

    Il victur e las victuras da la concurrenza da scriver per giuvenils «Plema d'aur / Pledpierla» han prelegì lur texts che stattan tuts sut il motto «Quest di da nar». (Sin la foto da san.: David Flepp da la Lia Rumantscha, Flurin Bott da S-chanf, Anina Jenal da Savognin, Donata Ernst da Sagogn e Carmen Dedual da la Lia Rumantscha.)

    Il victur e las victuras da la concurrenza da scriver sin tribuna dals Dis da litteratura 2017 a Domat.
    Legenda: Il victur e las victuras da la concurrenza da scriver sin tribuna dals Dis da litteratura 2017 a Domat. RTR, Esther Berther
  • 12:48

    Detta en bucca - experiments cun pled e tun

    Stina Hendry e Leander Albin experimenteschan cun tuns, poesias, musica e linguatg. Tut las istorgias tractan episodas or da la vita da giuvenils che vegnan pli madirs. Uschia creeschan els atmosferas tut spezialas, p. ex. ina situaziun tranter giuvenils ch'èn da viadi cun auto e sa ferman al tancadi fin tar sentiments interns sco il battacor durant la notg dad ina dunna ch'è vegnida violada.

    audio
    Stina Hendry e Leander Albin - Detta en bucca
    ord Actualitad dals 05.11.2017.
    laschar ir. Durada: 2 minutas 38 Secundas.
  • 11:40

    Barbacor en Cha da fö

    Roland Vögtli alias Cha da fö u er enconuschent cun la band Me and Marie ha accumpagnà la preschentaziun da «Barbacor», l'emprim cudesch da Chatrina Josty.

    audio
    Roland Vögtli ha accumpagnà la preschentaziun da Barbacor
    ord Actualitad dals 05.11.2017.
    laschar ir. Durada: 2 minutas 48 Secundas.
  • 11:28

    «La pli impurtanta cumpetenza è da savair nudar»

    En ses emprim cudesch «Barbacor/Herzkater» tracta Chatrina Josty en texts curts las sfidas dals giuvens, da la generaziun Y. P. ex. il mund che sa mida fitg svelt - oz n'è nagut pli sco stersas ed en quest mund è la pli impurtanta cumpetenza da savair nudar perquai ch'ins sto adina esser pront da siglir giu da l'aissa da tschintg meters en l'aua fraida.

    audio
    Chatrina Josty - Flexibel
    ord Actualitad dals 05.11.2017.
    laschar ir. Durada: 1 minuta 40 Secundas.
  • 10:50

    La litteratura rumantscha en la Tagesschau

    Era ils collegas dad SRF han rapportà en la Tagesschau da sonda saira dals Dis da litteratura a Domat e da la situaziun da la litteratura rumantscha.

  • 10:22

    Linard na vul betg vegnir a chasa

    «Lina e Linard» è il nov cudesch d'uffants da la Chasa Editura Rumantscha. Roman Pünchera (text) e Marina Lutz (illustraziuns) han raquintà da nov la veglia paraula nua ch'ils fragliuns Lina e Linard van tranter auter en il guaud per izuns e Linard na vul betg turnar a chasa. Lina sa metta perquai persula sin via ed emprova da persvader animals e chaussas en il guaud da far vegnir a chasa Linard. La finala riva ella suenter lung viadi tar la giatta ch'è pronta da gidar ella.

    audio
    Roman Pünchera - Lina riva tar la giatta
    ord Actualitad dals 05.11.2017.
    laschar ir. Durada: 38 Secundas.
  • 9:59

    «Lanz» e «Barbacor»

    «Lanz» da Flurin Jecker, l'emprim roman dal giuven Bernais cun ragischs en Surselva, e «Barbacor/Herzkater», ina collecziun da texts da Chatrina Josty, quai èn ils dus cudeschs sin il Tavulin litterar. En tuts dus vai per ils sentiments e las sfidas da vita da persunas giuvnas, las uschenumnadas generaziuns Y e Z. Ils texts curts da Chatrina Josty descrivan differentas situaziuns en la vita da la generaziun Y e Lanz, il scolar giuven en il roman da Flurin Jecker cumbatta tranter auter cun las novaziuns dal mund digital.

    Lanz da Flurin Jecker e Barbacor/Herzkater da Chatrina Josty.
    Legenda: Lanz da Flurin Jecker e Barbacor/Herzkater da Chatrina Josty. RTR
  • 9:44

    Da la vardad a la ficziun

    «Da temp vegl» sa numna la pli nova ediziun da la Chasa paterna (135) cun raquints da l'autur puter Attilio Bivetti. E sco ch'el declera a la moderatura Chatrina Urech n'èsi gnanc uschè simpel da raquintar istorgias dal passà.

    audio
    Tranter vardad e ficziun
    ord Actualitad dals 05.11.2017.
    laschar ir. Durada: 48 Secundas.
  • 9:12

    Ina saira plain gieus auditivs

    Sis gieus auditivs da differenta lunghezza han ils acturs Marina Blumenthal, Claudio Spescha, Michel Decurtins, Silvana Peterelli e Lorenzo Polin preschentà live sin tribuna la sonda saira . Da «Il prüm radio» da Cla Biert, sur «Il Culan da Crestaulta» da Michel Decurtins fin tar «Che am dian las unglas dal peis» da Göri Klainguti.

    audio
    Ina saira plain gieus auditivs
    ord Actualitad dals 05.11.2017.
    laschar ir. Durada: 3 minutas 37 Secundas.

Dumengia, ils 5 da november

Avrir la box Serrar la box

09:00 Chasa Paterna 135
09:45 Lina e Linard
10:30 Vernissascha cudesch Barbacor Herzkater
12:00 Detta en bucca cun Stina Hendry e Leander Albin
12:45 Plema d'aur / Pledpierla
13:45 Fitness da Jürg Gautschi
15:00 Finiziun

Artitgels legids il pli savens