Siglir tar il cuntegn

Header

cuntegn

Diari Dumengia, ils 6 da november 2016

L'ultim di als «Dis da litteratura 2016» a Domat: novellas e currellas, prelecziuns e translaziuns, auturas e puras, tuns e tunas.

Il ticker è a fin

  • 16:02

    Ils 26avels Dis da Litteratura a Domat èn istorgia.

    Per Vus sin scludiders e tastaturas:

    Esther Berther, Guadench Dazzi ed Isabelle Jaeger

    Che Vossas musas sa bitschan!

    In rispli sin ina tastatura.
    Legenda: «Rispli sin pupi» il motto dals 26avels Dis da Litteratura. RTR, Isabelle Jaeger
  • 15:56

    Halt, stop - igl n'è anc betg a fin!

    Sa platgai sin il canapé e guardai Cuntrasts ...

    ... en la rait uss immediat

    u en la televisiun las 17:25 sin SRF 1 .

    video
    «A l’entschatta era il pled»
    Or da Cuntrasts dals 06.11.2016.
    laschar ir. Durada: 25 minutas 19 Secundas.
  • 15:28

    Redactura Angela Hendry en discurs cun la victura Stina Hendry:

    audio
    Stina Hendry, vus avais scrit in text fitg persunal?
    ord Actualitad dals 06.11.2016.
    laschar ir. Durada: 50 Secundas.
  • 15:12

    Stina Hendry gudogna la cumbinaziun – il premi Term Bel ed il Premi dal Public

    La giuria ha decis: il Premi Term Bel 2016 va a Stina Hendry. A Domat sa ha ella preschentà cun il text «Davos baselgia» ed il prender cumià da l'amur dad ina giada.

    La pli giuvna participanta da la concurrenza è 17 onns, va a la Kanti a Cuira ed è da Vella. Scriver n'è dentant betg nov per ella. Cun sia collega Flurina Albin ha ella scrit il roman da fantasy «Emalio».

    Ed era il public ha decis: Er ses premi va a Stina Hendry. Sper las arbajas po ella prender cun sai uschia in premi da tut en tut 2’000 francs.

    audio
    «Davos baselgia» - il text cumplet prelegì da Stina Hendry
    ord Actualitad dals 06.11.2016.
    laschar ir. Durada: 4 minutas 24 Secundas.
  • 15:10

    Da plum e pupi: Gianna Olinda Cadonau «Rispli sin pupi»

    Salids da Domat – genuinamain tenor il motto dals Dis da Litteratura cun «rispli sin pupi».

    rispli sin pupi.
    Legenda: Legenda: Gianna Olinda Cadonau, poetessa. RTR, esther berther
  • 15:08

    En la Sala Tircal a Domat ...

    ... sa raduna la scena litterar rumantscha be mirveglias: Tgi va cun il Premi Term Bel 2016?

    La sala.
    Legenda: La tensiun crescha. RTR, guadench dazzi
  • 14:48

    Simplamain Luis: Luis Coray «Rispli sin pupi»

    Salids da Domat – genuinamain tenor il motto dals Dis da Litteratura cun «rispli sin pupi».

    In purtret abstract.
    Legenda: «La barca da rispli» Luis Coray, poet-pictur-chantadur. RTR, esther berther
  • 14:35

    En pauc temp èsi enconuschent: Il Premi Term Bel 2016 va a ......

    ... quai na savain nus anc betg - ma enfin la premiaziun las 15:00 recapitulain tgi ch’è stà da la partida quest onn:

    • Gion Dominic Pohle cun «Animus Iter – il spért sin viadi»
    • Stina Hendry cun «Davos baselgia»
    • Rut Bernardi cun «La muciadiva»
    • Romana Ganzoni cun «Il postin»
    • Alice Bertogg cun «La patria ch’exista buc»
    Els 5, na sin tribuna, ma sin ina fotografia.
    Legenda: Finalist e finalistas - Gion Dominic Pohle, Stina Hendry, Rut Bernardi, Romana Ganzoni ed Alice Bertogg. ANR
  • 14:27

    Il facit dal musicist: Pascal Gamboni «Rispli sin pupi»

    Salids da Domat – genuinamain tenor il motto dals Dis da Litteratura cun «rispli sin pupi».

    Rispli sin pupi.
    Legenda: «La segunda lingia sustegn l'emprema» Pascal Gamboni, musicist. RTR, Esther berther
  • 14:22

    Fertant che las finalistas ed il finalist da la concurrenza Premi Term Bel 2016 èn uss definitivamain gnervus per vegnir a savair tgi che gudogna, han ellas quella situaziun gia davos sai: Francisco Cortez, Carla Ganzoni e Lina Camenisch han gia gudagnà ina concurrenza litterara – Linguissimo, la concurrenza da scriver naziunala per giuvnas e giuvens. Cun Chasper Pult discutan els da lur experientschas.

    audio
    Chasper Pult che fa la moderaziun, Francisco Cortez, Carla Ganzoni e Lina Camenisch.
    ord Actualitad dals 06.11.2016.
    laschar ir. Durada: 1 minuta 36 Secundas.
  • 14:18

    Judihui – Globi sa tut, er discurrer rumantsch!

    Karin Kohler preschenta cun ses giasts ils novs cudeschs d’uffants da la Chasa Editura Rumantscha: «Globi en il Parc Naziunal» ed il carnet «Pilo» da Silvana Prinz-Filli, illustrà da Rolf Giger.

    audio
    Karin Kohler-Pattis, Silvana Prinz-Filli, Rolf Giger, Aita Dermont-Stupan e Claudio Spescha, che prelegia.
    ord Actualitad dals 06.11.2016.
    laschar ir. Durada: 1 minuta 2 Secundas.
  • 13:03

    Curt e clar: Il comité «Rispli sin pupi»

    Salids da Domat – genuinamain tenor il motto dals Dis da Litteratura cun «rispli sin pupi».

    Rispli sin pupi.
    Legenda: Il comité d’organisaziun 2016 «Plan è sin pupi: DIS DA LTTERATURA. Cudeschs, glisch e vin.» RTR, esther berther
  • 12:59

    Ellas ed el èn satisfatgs cun l'ediziun 2016:

    Il comitè d'organisaziun dals Dis da Litteratura èn Sereina Nay, Natalia Tuor, Maurus Candrian, Laura Decurtins Rosset e Sara Francesca Hermann.

    audio
    Ina bilantscha, Maurus Candrian?
    ord Actualitad dals 06.11.2016.
    laschar ir. Durada: 22 Secundas.
  • 12:54

    Return tar l’essenzial – tar las «Ragischs»

    En la Sala Tircal ha cumenzà in’ulteriura variaziun dal return tar las essenzas. «Ragischs» – uschia il titel da la nova ediziun da Nies Tschespet 76 da la Surselva Romontscha. Alberto Palaia en discurs cun Alexander Maissen.

    Els dus sin tribuna.
    Legenda: La prelecziun dad Alexander Maissen. RTR, Guadench dazzi
  • 12:04

    La bun'ura a Domat en 77 secundas

    La revista a la bun'ura da la redactura Angela Hendry.

    audio
    La revista a la bun'ura
    ord Actualitad dals 06.11.2016.
    laschar ir. Durada: 1 minuta 17 Secundas.
  • 11:48

    Vivonda per l’olma: Corina Gustin «Rispli sin pupi»

    Salids da Domat – genuinamain tenor il motto dals Dis da Litteratura cun «rispli sin pupi».

    Rispli sin pupi.
    Legenda: Corina Gustin, inizianta da www.latabla.ch RTR, esther berther
  • 11:44

    Avant gentar vegn fatg viva sin «Ultim’ura da la not»

    Gianna Olinda Cadonau, la poetessa ladina, debutescha uss cun ses cudesch da poesias «Ultim’ura da la not». En sia poesia maina ella sin las vias da la tschertga da patria ed identitad, en terras nunenconuschentas che vegnan scuvertas, en pajais da l’olma perscrutada. Ella publitgescha en rumantsch e per tudestg. Mevina Puorger edescha Gianna Olinda Cadonau.

    audio
    Gianna Olinda Cadonau prelegia (da dr.), Mevina Puorger edescha ed Andri Steiner enramescha.
    ord Actualitad dals 06.11.2016.
    laschar ir. Durada: 46 Secundas.
  • 10:57

    La sbrinzla durant la tschaina: Arnold Spescha «Rispli sin pupi»

    Salids da Domat – genuinamain tenor il motto dals Dis da Litteratura cun «rispli sin pupi».

    Puschegn

    Las silbas sefuorman
    En plaids che sezuolan
    Tras l'aria, empleinan
    Ils tgaus ed ils cors che
    Busiran vivonda

    Scrit sin pupi.
    Legenda: Arnold Spescha, scriptur. RTR, esther berther
  • 10:53

    «Ei catscha dis»

    Uschia ha num il nov cudesch da poesias dad Arnold Spescha. Cun el e cun il translatur Hans Fäh discuta Silvana Derungs.

    audio
    Ils trais sin tribuna - Hans Fäh, Arnold Spescha e Silvana Derungs.
    ord Actualitad dals 06.11.2016.
    laschar ir. Durada: 1 minuta.
  • 10:22

    La fascinaziun dal pupi: Claudio Spescha «Rispli sin pupi»

    Salids da Domat - genuinamain tenor il motto dals Dis da Litteratura cun «rispli sin pupi».

    Scrit sin pupi.
    Legenda: «Rispli sin pupi. Anflel buc pli miu Alt-j. Agid.» Claudio Spescha, schurnalist e moderatur. RTR, esther berther

Dumengia, ils 6 da november

Avrir la box Serrar la box

09:00 La litteratura / La Chasa paterna
10:30 Ei catscha dis dad Arnold Spescha
11.15 Ultim'ura da la not da Gianna Olinda Cadonau
12:30 Nies Tschespet 76 cun Alexander Maissen
13:15 Globi discurra rumantsch
14:00 Linguissimo
15:00 Surdada Premi Term Bel 2016
15:15 Finiziun

Artitgels legids il pli savens