Siglir tar il cuntegn
Inhalt

Nossa litteratura Arnold Spescha

Arnold Spescha, naschì ils 13-06-1941.

fotografia Arnold Spescha
Legenda: Arnold Spescha MAD

Arnold Spescha è naschì e crschì si a Pigniu en Surselva. Suenter la scola secundara a Glion ed il Seminari da magisters a Cuira è el stà scolast primar a Sevgein ed Arosa. Lura ha el studegià romanistica a las universitads da Turitg, Aix-en-Provence e Perugia. Il medem temp fa el era anc studis da musica. Il 1972 ha Spescha doctorà cun la dissertaziun "Wind und Wetter. Die meteorologischen Erscheinungen im Wortschatz einer Bündner Gemeinde (Pigniu/Panix)". Ils onns 1969 enfin 2004 ha el instruì franzos, rumantsch e talian al gimnasi da la Scola chantunala grischuna a Cuira. Dasperas ha el gì differentas incumbensas d'instrucziun per linguistica e litteratura rumantscha a las universitads da Turitg e Friburg. El è stà dirigent da la musica militara ed ha dirigì durant dudesch onns la musica da la citad da Cuira. El viva a Cuira.

Arnold Spescha scriva lirica e prosa per sursilvan. El è l'autur da la Grammatica sursilvana (1989), dal Vocabulari fundamental sursilvan (1994) e dad ulteriuras lavurs davart il linguatg, la litteratura e la musica.

Intginas ovras:

  • Poesias, Igl Ischi, 1963
  • La glisch dil carner, 1974
  • Lugubre, Litteratura, 1986
  • Rondo nocturn, Litteratura, 1993
  • Ei dat ils muments da
  • pass lev, 2007
  • Egl artg dils meins, Litteratura, 2013
  • Entuorn il Veptga e Ranastga (Calender Romontsch, 2010)
  • Ei catscha dis - Der Tag bricht an. Poesias – Gedichte, 2016

Distincziuns:

  • Premi da la Cuminanza Rumantscha Radio e Televisiun, 2003
  • Premi grischun da cultura, 2007