Siglir tar il cuntegn
Inhalt

Noss chors Primavaira - la stagiun da concerts

Las paraids èn plainas cun placats. La primavaira è il temp che chors e furmaziuns da musica sa preschentan cun lur concerts. Ma pertge fan tuts il medem mument concert? Quella ed autras dumondas respundan ils dirigent Stefan Demarmels e la dirigenta Andrea Veraguth.

Furmaziuns da musica e chors èn pronts per ils concerts da primavaira.
Legenda: Concerts tut a dubel Furmaziuns da musica e chors èn pronts per ils concerts da primavaira. RTR, Grafica

Participants a la discussiun:

  • Andrea Veraguth, dirigenta dal chor viril Breil
  • Stefan Demarmels, dirigent da la musica instrumentala da Salouf Mon Stierva ed era il chor masdo Stierva Mon Salouf
Legende: Video Il puls dals cHors batta pli ferm abspielen. Laufzeit 00:59 Minuten.
Or da RTR dals 19.04.2018.

Daco fan tuts concert la primavaira?

Pli baud sa drizzavan ins suenter ils purs. Il november avevan els peda da chantar e sin la primavaira stueva l'onn da chant esser a fin. Ozendi èn las persunas occupadas cun autras chaussas, uschia ch'igl è grev da rumper il schema.
Autur: Stefan Demarmelsdirigent musica instrumentala Salouf Mon Stierva
I dovra in temp da bajegiar si la vusch. I n'è betg mo il trenament da las chanzuns. Sch'ins na chanta betg regularmain, patescha la vusch. Cun ina pausa da stad è quai pli difficil.
Autur: Andrea Veraguthdirigenta chor viril Breil

Tge è in concert attractiv?

Adina variar in pau - quai è forsa il misteri d'in concert attractiv. E da passentar suenter concert intginas bellas uras da cumpagnia, quai è era fitg impurtant.
Autur: Andrea Veraguth de Grootdirigenta chor viril Breil
Jau na chapesch betg la discussiun davart la lunghezza dals concerts. Jau pens che la glieud vegn per tadlar e guardar la musica. Per mai po in concert cuzzar fin in'ura e mesa.
Autur: Stefan Demarmels,dirigent musica instrumentala Salouf Mon Stierva

Da la preparaziun fin al concert

Jau hai fatg bunas experientschas da far il champ da chant (prova intensiva durant in di) dus fin in mais a mez avant il concert. Lura han ins anc avunda peda suenter da lavurar vid las chanzuns.
Autur: Andrea Veraguthdirigenta chor viril Breil
Quindesch dis, trais emnas avant il concert datti ina fora tar ils musicants, lura èsi da motivar els per il concert.
Autur: Stefan Demarmels,dirigent musica instrumentala Salouf Mon Stierva

Ir a concert - mussar preschientscha

Cun guardar co ils auters fan - oravant tut ils dirigents - emprend'ins ina massa. Jau mon a concerts per ma laschar inspirar da las persunas che sa preschentan e da la musica.
Autur: Stefan Demarmels,dirigent musica instrumentala Salouf Mon Stierva
Jau mon a moda spontana a concerts. Quai dependa era da la situaziun e dal temp. Lura guard jau en il Fegl Uffizial nua ch'ì vegn dà gist concert e tge ch'interessescha mai e lura mon jau.
Autur: Andrea Veraguthdirigenta chor viril Breil

RR actualitad 07:00