Siglir tar il cuntegn
Inhalt

Noss chors Plazza 3 per ensemble vocal incantanti

Dus chors da giuventetgna grischuns han persvadì a la dieschavla concurrenza da chors svizra ad Aarau. L'ensemble vocal incantanti cun il dirigent Christian Klucker è vegnì terz en la categoria chors da giuventetgna.

purtret d'in chor da giuventetgna
Legenda: L'ensemble incantanti mussa adina puspè bunas prestaziuns (foto dal 2015). incantanti

En la medema categoria ha il Chor da giuventetgna grischun cun lur manader Martin Zimmermann fatg ils quarts. Gudagnà en questa categoria ha il chor dal conservatori da Winterthur cun 58 puncts, avant il chor da concert da la scola da chant cantiamo dal Vallais sura cun 57,7 puncts.

Incantant persvada adina puspè. La stad è l'ensemble vegni campiun europeic a Riga.

A la concurrenza da chors èn era dus chors da las valladas talianas sa participads. En la categoria chors maschadads è il Coro Misto Poschiavino vegni dieschavel ed il Corale di Mesocco dudeschavels.

RR novitads 21:00