Siglir tar il cuntegn
cuntegn

Baratta-Chor Uss datti il barat tranter Turitg e la Val d'Alvra

La sort ha decidì: Remo Weishaupt baratta cun Jürg Wasescha. Il Chor maschadà grischun Turitg ed il Chor masdo Alvra sa participeschan al segund «BarattaChor».

Remo Weishaupt
Legenda: La sort ha decidì il proxim BarattaChor Suenter il Chor mischedau Sevgein po Remo Weishaupt direger per in'emprova il Chor masdo Alvra. RTR, Alice Bertogg

per ina prova da chant sa barattan:

  • Remo Weishaupt, dirigent dal Chor maschadà grischun Turitg
  • Jürg Wasescha, dirigent dal Chor masdo Alvra

Il barat tranter ils dus chors ed ils dus dirigents ha lieu durant il mais da schaner.

Il Chor masdo Alvra durant la davosa prova avant il concert da Nadal 2016.
Legenda: Il Chor masdo Alvra Il Chor masdo Alvra durant la davosa prova avant il concert da Nadal 2016. MAD / Chor masdo Alvra

«BarattaChor» è in'acziun da RTR per promover il barat tranter chors e dirigentAs, sco era il barat tranter ils differents chors. E questa giada era il barat tranter Grischuns e Grischunas da differentas regiuns.

Chor masdo Alvra

Il Chor masdo Alvra ha festivà l'onn 2016 ses giubileum da 20 onns. Jürg Wasescha dirigia 30 chantaduras e chantadurs da l'entira Val d'Alvra, vul dir da Bravuogn enfin a Casti. Il chor ha era l'intent da promover la cultura cantica en la Val d'Alvra.

Il chor che baratta: Chor maschadà grischun Turitg

Il Chor maschadà grischun Turitg.
Legenda: Il Chor maschadà grischun Turitg Il Chor maschadà grischun Turitg dastga anc ina giada barattar dirigent per ina prova da chant. MAD / Chor maschadà grischun Turitg

En il Chor maschadà grischun Turitg, il link avra en ina nova fanestra chantan Grischunas e Grischuns che vivan a Turitg e conturn. Sco amaturs da la chanzun rumantscha chantan els bler rumantsch, e quai sche pussaivel en tut ils idioms, sco quai ch'els scrivan sin lur pagina d'internet. 33 chantaduras e chantadurs suondan Remo Weishaupt che dirigia il chor. El ha fatg da scolast e suenter studegià musica a la Scol'auta da musica a Turitg. Dapi ch'el ha 18 onns ha el dirigì differents chors. Il Chor maschadà grischun Turitg dirigia el dapi 21 onns.

«BarattaChor» – Co va quai?

«BarattaChor» – Co va quai?
1. Chors s'annunzian per far ina prova cun il/la dirigentA
2. DirigentA tira la sort ord las annunzias inoltradas
3. Il/la dirigentA fa ina prova cun il chor victur e viceversa
4. Il/la dirigentA dal chor victur fa l'appell per il proxim «BarattaChor»
5. Da capo