«BarattaChor» è in'acziun da RTR per promover il barat tranter chors e dirigentAs, sco era il barat tranter ils differents chors. Flavia Walder porscha sco emprima in’emprova cun «ses» chor maschadà da Sevgein e sa legra da pudair diriger bainbaud in auter chor … Tgisà forsa schizunt dad in’autra vallada?
Ils emprims: Chor maschadà Sevgein
Flavia Walder (35) è musicista e pedagoga da ritmica. Dapi il 2010 dirigia ella il chor maschadà da Sevgein. Dasperas è ella era la dirigenta dal chor d’uffants Sumvitg e chanta sezza en il Cantus Firmus Surselva.
Il chor maschadà Sevgein è vegnì fundà il cumenzament dals onns 80. Ma chantà vegniva fingià avant a Sevgein. Actualmain dumbra il chor 30 commembers – 16 chantaduras e 14 chantadurs. Il chor maschadà Sevgein è tant in chor profan sco era in chor da baselgia. Uschia chanta el mintg’onn a pliras festas ecclesiasticas da la plaiv. Quest onn da chant sa prepara il chor sin in concert che ha lieu il matg 2018 e sin la festa da chant chantunala a Chiavenna il zercladur 2018.
Annunziai Voss chor e dirigentA
- Enfin ils 13 da november han chors pudì s’annunziar.
- Ils 14 da november ha tira Flavia Walder tratg la sort da tut las annunzias.
- Bainprest suonda lura il barat.
- RTR online e RTR Facebook Noss Chors rapportan dals barats.
- Suenter suonda l’appel dal nov dirigent u la nova dirigenta.
«BarattaChor» – Co va quai?
| 1. Chors s'annunzian per far ina prova cun la dirigentA |
| 2. DirigentA tira la sort ord las annunzias inoltradas |
| 3. La dirigentA fa ina prova cun il chor victur e viceversa |
| 4. DirigentA dal chor victur fa l'appel per il proxim «BarattaChor» |
| 5. Da capo |
Actualitad mezdi 11:00