Siglir tar il cuntegn

Header

En questa stgatla sa chattan tut ils chors ch'èn s'annunziads per BarattaChor.
Legenda: La stgatla cun las annunzias per BarattaChor En questa stgatla sa chattan tut ils chors ch'èn s'annunziads per BarattaChor. RTR, Alice Bertogg
cuntegn

Baratta-Chor Jürg Wasescha baratta cun Josefina Blumenthal-Cadruvi

«BarattaChor» va en la proxima runda. Uss datti il barat tranter il Chor masdo Alvra ed il Chor mischedau catolic Sagogn.

per ina prova da chant sa barattan:

  • Jürg Wasescha, dirigent dal Chor masdo Alvra
  • Josefina Blumenthal-Cadruvi Chor mischedau catolic Sagogn

Il barat tranter ils dus chors ed ils dus dirigents ha lieu durant il mars.

«BarattaChor» è in'acziun da RTR per promover il barat tranter chors e dirigentAs, sco era il barat tranter ils differents chors.

Il Chor mischedau catolic Sagogn

Il Chor mischedau catolic Sagogn sa participescha al proxim barat.
Legenda: La sort ha decidì. Il Chor mischedau catolic Sagogn sa participescha al proxim barat. RTR, Alice Bertogg

A Sagogn datti dus chors maschadads - il Chor mischedau catolic ed il Chor mischedau reformau. Josefina Blumenthal dirigia dapi trais onns il Chor mischedau catolic da Sagogn. Avant ha ella dirigì il Chor viril da Sagogn, quest chor na datti dentant betg pli. Il Chor mischedau catolic Sagogn dumbra 24 chantaduras e chantadurs.

audio
Mezdi: BarattaChor – Discurs Josefina Blumenthal
ord Actualitad dals 24.02.2018.
laschar ir. Durada: 5 minutas 36 Secundas.

Il chor che baratta: Chor masdo Alvra

Il Chor masdo Alvra durant ses concert da giubileum l'onn 2016.
Legenda: Il Chor masdo Alvra Il Chor masdo Alvra durant ses concert da giubileum l'onn 2016. MAD / Chor masdo Alvra

Il Chor masdo Alvra ha festivà l'onn 2016 ses giubileum da 20 onns. Jürg Wasescha dirigia dapi l'onn 2015 ver 30 chantaduras e chantadurs da l'entira Val d'Alvra, vul dir da Bravuogn enfin a Casti. Il chor ha era l'intent da promover la cultura cantica en la Val d'Alvra.

audio
Mezdi: BarattaChor – Discurs Jürg Wasescha
ord Actualitad dals 24.02.2018.
laschar ir. Durada: 5 minutas 9 Secundas.

«BarattaChor» – co va quai?

1. Chors s'annunzian per far ina prova cun il/la dirigentA
2. DirigentA tira la sort ord las annunzias inoltradas
3. Il/la dirigentA fa ina prova cun il chor victur e viceversa
4. Il/la dirigentA dal chor victur fa l'appell per il proxim «BarattaChor»
5. Da capo

RR actualitad 11:00

Artitgels legids il pli savens