Siglir tar il cuntegn

Header

cuntegn

Baratta-Chor Chor mischedau catolic da Sagogn mida cun il chor viril da Domat

Il chor da Sevgein ha lantschà il barat, il chor da Turitg e d'Alvra han ristgà il barat, ed era il chor mischedau catolic da Sagogn ha gia gì il barat. RTR baratta chors e dirigents – ed ussa vai per il quart barat – il davos avant la pausa da stad.

La dirigenta, Josefina Blumenthal-Cadruvi, ha pudì trair la sort tgi che vegn a far il proxim barat cun ella. Tratg ha ella il Chor viril da Domat cun lur dirigent Sergej Schmid. Els èn omadus pronts per il barat.

audio
BarattaChor va en la proxima runda
ord Actualitad dals 24.04.2018.
laschar ir. Durada: 5 minutas 55 Secundas.
Josefina Blumenthal-Cadruvi ha tratg il chor viril Domat.
Legenda: La sort ha decidì! Josefina Blumenthal-Cadruvi ha tratg il chor viril Domat. RTR, Alice Bertogg

Chor mischedau catolic Sagogn

A Sagogn datti dus chors maschadads – il Chor mischedau catolic ed il Chor mischedau reformau. Josefina Blumenthal dirigia dapi trais onns il Chor mischedau catolic da Sagogn. Avant ha ella dirigì il Chor viril da Sagogn, quest chor na datti dentant betg pli. Il Chor mischedau catolic Sagogn dumbra 24 chantaduras e chantadurs.

Chor viril Domat

Il chor viril Domat ha festivà l'onn passà il giubileum da 150 onns. Il 2007 han els organisà la festa da chant dal district Surselva. Dapi l'atun 2012 stat il chor viril sut la batgetta da Sergej ed Olga Schmidt. Els derivan da la Russia (Novosibirsk) ed èn omadus musicists da professiun.

«BarattaChor» è in'acziun da RTR per promover il barat tranter chors e dirigentAs, sco era il barat tranter ils differents chors.

RR actualitad 11:00

Artitgels legids il pli savens