Siglir tar il cuntegn

Header

video
BarattaChor - Fina tar il Chor viril Domat
Or da RTR dals 12.06.2018.
laschar ir. Durada: 2 minutas 59 Secundas.
cuntegn

Baratta-Chor BarattaChor: Fina fila vid finessas

Josefina Blumenthal-Cadruvi ha surprì la segund davosa prova da chant dal Chor viril da Domat avant la festa da chant chantunala a Chiavenna. Ed ella ha lavurà fitg vid la pronunzia dals chantadurs.

Recitar enstagl chantar

«Tgei teissas ti olma!» questa chanzun da Gion Antoni Derungs cun text da Gian Fontana è stada ina da las chanzuns da concurrenza dal Chor viril Domat a la festa da chant chantunala a Chiavenna. Ils tuns tutgavan ils chantadurs bain, ma vid la pronunzia dals pleds ha Fina Blumenthal-Cadruvi anc pudì lavurar cun els.

audio
Mezdi: Josefina Blumenthal-Cadruvi tar il Chor viril Domat
ord Actualitad dals 12.06.2018.
laschar ir. Durada: 3 minutas 59 Secundas.
Igl è impurtant ch'ils chantadurs san tge istorgia che ton l'autur Gian Fontana sco era il cumponist Gion Antoni Derungs han vulì raquintar cun questa chanzun.
Autur: Fina Blumenthal-Cadruvi, dirigenta

Avant ch'ils chantadurs han pudì chantar la chanzun, han els gì da recitar ella pled per pled, mintga register en ses ritmus. E l'exercizi è sa pajà.

Cura che nus chantain sin tribuna a Chiavenna vegn jau segir a pensar vid Fina. Sia pronunzia è bler meglra che mia, jau pos be imitar.
Autur: Sergej Schmidt, dirigent

La premiera cun las cravattas verdas

A chaschun dal giubileum da 150 onns dal Chor viril Domat l'onn passà ha il chor cumprà chamischas novas. A la festa da chant a Chiavenna sa preschenta il chor uss era cun cravattas novas. Ellas èn verdas. Ed ils chantadurs dal chor viril paran d'esser campiuns da nuar las cravattas.

audio
La premiera cun las cravattas
ord Actualitad dals 06.06.2018.
laschar ir. Durada: 2 minutas 11 Secundas.

Domat festivescha «ses» umens

Cun la buna nota 5,5 è il chor viril da Domat arrivads la dumengia en la patria. Per els - ed era per il reelegì cusseglier guvernativ Mario Cavigelli - hai dà in grond bainvegni da la musica da Domat e da la populaziun.

RR actualitad 11:00

Artitgels legids il pli savens