Siglir tar il cuntegn
Inhalt

Baratta-Chor BarattaChor – al fine

Tschintg dirigentas e dirigents han barattà durant otg provas lur chors. L'aventura BarattaChor è a fin.

Els han gughegià l'aventura da barattar lur chors.
Legenda: Las dirigentas ed ils dirigents da BarattaChor. Els han gughegià l'aventura da barattar lur chors. RTR, GRAFICA
  • Flavia Walder ed il chor mischedau Sevgein han lantschà il barat cun Remo Weishaupt ed il chor maschadà Grischun Turitg
  • Remo Weishaupt ha barattà cun Jürg Wasescha ed il chor maschadà Alvra
  • Jürg Wasescha ha surlaschà ses chor a Josefina Blumenthal-Cadruvi ed ha dastgà diriger ina prova dal chor mischedau catolic Sagogn
  • Josefina Blumenthal-Cadruvi ha barattà cun Sergej Schmidt dal chor viril Domat

Da Sevgein, sur Turitg, en Val Alvra, sur Sagogn a Domat

Flavia Walder ha surdà a Remo Weishaupt la clav da tun da BarattaChor.
Legenda: L'emprim barat. Flavia Walder ha surdà a Remo Weishaupt la clav da tun da BarattaChor. RTR, ALICE BERTOGG
Quai è stà insaco ester, ma fitg bel. Jau hai giudì da vesair Remo cun mes chor. I mava bain a prà, il Remo cun mias chantaduras e mes chantadurs.
Autur: Flavia Walder,dirigenta Chor mischedau Sevgein
Gist mo luc, luc na fan ins betg uschia insatge, in zic gnervus sun jau schon staus. Ma cura che la prova ha cumenzà sun jau lura spert sa sentids fitg bain.
Autur: Remo Weishaupt,dirigent chor maschadà Grischun Turitg
Jürg Wasescha à stà il terz dirigent da l'acziun BarattaChor.
Legenda: Jürg Wasescha ha surprì la batgetta da Remo Weishaupt. Jürg Wasescha è stà il terz dirigent da l'acziun BarattaChor. RTR, ALICE BERTOGG
Quai è stà per mai ina bella experientscha da diriger ina giada in chor ester. Igl è propi stà in grond plaschair. Els èn sa participads e stads motivads cun in grond entusiassem.
Autur: Jürg Wasescha,dirigent chor maschadà Alvra
Jürg Wasescha ha surdà ses chor per ina prova a Josefina Blumenthal-Cadruvi.
Legenda: Josefina Blumenthal-Cadruvi dat en il tun al chor maschadà Alvra. Jürg Wasescha ha surdà ses chor per ina prova a Josefina Blumenthal-Cadruvi. RTR, ALICE BERTOGG
Sco els han guardà davantnà è stà super! E tuts faschevan la gimnastica, quai è stà bellischem!
Autur: Josefina Blumenthal-Cadruvi,dirigenta chor mischedau catolic Sagogn
Sergej Schmidt, il dirigent dal chor viril Domat, è stà il davos dirigent da l'acziun BarattaChor.
Legenda: Sergej Schmidt tar il chor mischedau catolic Sagogn. Sergej Schmidt, il dirigent dal chor viril Domat, è stà il davos dirigent da l'acziun BarattaChor. RTR, LINUS LIVERS
Jau hai vis, nua ch'il chor fa sbagls e nua che jau cumpensesch quai per il chor. Perquai sun jau fitg cuntents da pudair persequitar mes chor ina giada da l'autra perspectiva.
Autur: Sergej Schmidt,dirigent chor viril Domat

BarattaChor è a fin. Ed uss?

Ussa faschain nus pausa da stad, sco ils blers chors rumantschs. D'atun, cura ch'il nov onn da chant cumenza, datti lura era ina nova acziun da RTR cun noss chors. Tgenina? Nus laschain vus anc in zic en las mirveglias. Giudai la pausa da stad!

RR actualitad 11:00