Siglir tar il cuntegn

Header

cuntegn

Mx3 – tuts per in Raw – «Empty Heart»

L’anteriur chantadur e ghitarrist da la band «Rambling Wheels» ha publitgà sia emprima EP e sa ussa preschentar sia single «Empty Heart» en l’entira Svizra.

L’october 2021 ha Raphaël Weber preschentà sia emprima EP da solo. Il pitschen album cuntegn trais chanzuns – tranter auter era la chanzun «Empty Heart» ch’è vegnida tschernida sco emprima chanzun da l’acziun Mx3 – tuts per in dal 2022. Il titel “RAW” è englais per criv e vul per ina descriver il stil da sias chanzuns e per l’autra èsi l’abreviaziun da ses num cumplet Raphaël Alexandre Weber.

«Empty Heart» è ina chanzun da rock ch’è franc era insatge per ils fans dals Rambling Wheels. Quai sa mussa era en ses profil sin la pagina da mx3.ch nua ch’el ha remartgabel bleras audituras ed auditurs.

Il video tar la chanzun è vegnì realisà dal cineast e musicist Bastien Bron. En il video stran, en in stil da retro gioga il chantadur Raphaël Weber in chatschader da cors (en il ver senn dal pled).

Mx3 – tuts per in

Avrir la box Serrar la box
Il logo da la seria Mx3 - tuts per in.
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

Artitgels legids il pli savens