Siglir tar il cuntegn

Header

Navigaziun

Legenda: Tadlar il audio Perspectiva cun bunamain 40. Durada 00:21 minutas.
00:21 min, Musica dals 31.05.2019.
cuntegn

Gimma Il rappunz grischun preschenta ses disc nov «Kartellmusig»

Far musica è anc adina sia passiun e la provocaziun er.

Gian-Marco Schmid, alias Gimma (39) ha fatg var 10 discs e numerusas chanzuns durant sia carriera. Adina direct e provocativ – e cun success. Surtut durant ils onns 2006 fin 2011 è el stà preschent en la parada da hits ed er en las medias.

Ses ultim disc «Megaschwiizer» ha el fatg avant 3 onns e lura aveva num ch’el sa concentrescha sin scriver e sin sia lavur sco autur da texts.

albumcheck da gimma
Legenda: Albumcheck da: Kartellmusig - il parairi da Jachen Prevost RTR , il link avra en ina nova fanestra

La musica ha mancà

Gimma ha puspè cumenza a scriver chanzuns ed el ha er gì inspiraziuns suenter il scandal da las firmas da construcziun en noss chantun. Perquai porta ses disc nov il titel «Kartellmusig» - cun beffa envers quels embrugls.

Gimma ha però er las chanzuns fitg persunalas e profundas cur ch’el raquinta da sias experientschas. Sin ses disc nov datti er collavuraziuns cun Sandro Dietrich, ina chanzun cun Beglinger, ina che va sut la pel - ed in toc cun Snook cun text rumantsch.