Siglir tar il cuntegn

Header

Navigaziun

Purtret da Corin Curschellas dal 2002
Legenda: NEW YORK (Kopie) Purtret dal 2002 Keystone / Gaetan Bally
cuntegn

Corin Curschellas Paris. Turitg. New York - ils onns 2000 - 2011

Ils emprims tschintg onns dal nov millenni pendulescha Corin Curschellas tranter Paris e Turitg, nua ch’ella gioga al “Schauspielhaus” sut la reschia da Christoph Marthaler.

Il 2001 fa Corin Curschellas part dal “Global Vocal Meeting Project” – ina turnea maina ils musicists da tut il mund en Germania, Svizra ed en ils Stadis Unids da l’America.

Dapi bun 30 onns è Corin Curschellas gia sin tribuna, dapi bun 10 onns concertescha ella cunzunt cun sias atgnas chanzuns e furmaziuns.

Ussa sa tschenta ella ina nova sfida: far programs da solo.

I suonda in’entira seria da tals programs: endlICH (2004/2005), MONO (2005), “Pomp auf Pump” (2010) u era “Wittern und twittern” (2011).

Durant ina represchentaziun dal program "MONO" (2005)mad

Dasperas chanta Corin Curschellas enavant en divers projects. Dal 2001-2008 per exempel tar “eCHo” – in project cun Christine Lauterburg, Walter Lietha e Doppelbock. En eCHo vegnan chanzuns popularas arranschadas da nov.

Corin Curschellas durant ina producziun cun "eCHo" (2003) mad

Sumegliants è era il focus da Max Lässer e ses “Überlandorchester”, cun il qual Corin Curschellas è ida sin turnea il 2007.

Legenda: Guardar il video Premiera dal "Überlandorchester". Durada 01:47 minutas.
Or da RTR dals 27.01.2007.

Malgrà engaschaments en diversas furmaziuns e programs da solo chatta Corin Curschellas temp ed energia da publitgar ses otgavel album da solo.

Per registrar quest disc viagia la musicista puspè a New York e turna enavos cun “Grischunit”, anc ina giada in album che cuntegna exclusivamain chanzuns en rumantsch.

Era sin “Grischunit” chattain nus ina chanzun populara rumantscha en nov vestgì: la “canzun da Ziteil”.