Las entschattas

En il 1956 nascha Corin Curschellas a Cuira e crescha si en la chapitala grischuna. Las vacanzas passenta la famiglia a Rueun tar tat e tatta.

Purtret da Corin Curschellas cun 16 onns

Legenda da maletgs: 1972 - Corin Curschellas cun 16 onns. Collecziun privata Corin Curschellas

Gia baud è la giuvna attratga da la tribuna. Mo i para sco sch'i giess en direcziun teater...

Suenter il diplom da magistra primara sa renda la giuvna Corin a Turitg per studegiar a l'Academia da Teater a Turitg.

Sper ses studi cumenza ella a chantar en diversas furmaziuns. Dal 1977 - 1983 concertescha ella tranter auter cun Walter Lietha, Max Lässer, Bruno Spoerri u era cun la "Circus All Star band".

Il 1983 finescha ella ses studi da pedagoga da teater e decida ch'igl è uras da bandunar la Svizra ed ir a viver en ina metropola pulsanta: Berlin!