Il mument saja quai simplamain ina gronda pausa ed i saja da far lavurs d’administraziun. Quai din presidentas e presidents da differents chors tar la situaziun actuala dal coronavirus.
Las emprovas n’han betg lieu ed era concerts u excursiuns èn stritgads. En l’emissiun Noss chors dad oz raquintan commembras e commembers da sis chors, co els van enturn cun questa situaziun extraordinaria. Il chor maschadà Donata danturn, il chor maschadà da Valsot, il chor viril da Salouf, il chor maschadà da Samedan, il chor grischun da Turitg ed il chor maschadà da Rabius raquintan da lur sfidas durant il temp da corona.