Siglir tar il cuntegn

Header

Navigaziun

Nickless cun nies moderatur Ivo Orlik
Legenda: Nickless cun noss moderatur Ivo Orlik. RTR
cuntegn

Live tar RTR Nickless è daventà Niculin

Nickless ha acceptà la challenge e chantà trais da ses hits per rumantsch. Guardai e tadlai sez sch'il chantadur ha era gartegià ils tuns en in linguatg ester.

Avant circa dus onns è il Turitgais Nicola Kneringer, pli enconuschent sco Nickless, vegnì renumà cun ses hit «Waiting». La chanzun ch’è vegnida emessa il pli bler da las differentas staziuns da radio svizras l’onn 2015. Il video tar la chanzun è vegnì guardà radund in milliun giadas. El favrer 2016 ha Nickless perfin gudagnà cun quella chanzun in Swiss Music Award en la categoria «Best Hit National». Dus mais pli tard ha el publitgà ses album «Four Years». Quest album cuntegn ulteriurs hits sco «Waiting» e «Princess».

Turnea tras la Svizra

Durant la stad ha Nickless sunà en l’entira Svizra, tranter auter era a Degen a l’Open Air Lumnezia. L’emna passada ha el cumenzà sia turnea tras la Svizra ed ha fatg questa gievgia ina fermada a Cuira en la Werkstatt. Il concert era bain plain ed era visità per radund 90% da giuvnas.

Tge ston ins far sco chantadur sch’ins visita Cuira? Precis, registrar en il studio da RTR in da ses hits per rumantsch. Quai ha era Nickless fatg. Il moderatur da RTR Ivo Orlik ha translatà trais chanzuns da Nickless e fatg or da quai in medley.

Legenda: Guardar il video Nickless per rumantsch. Durada 03:36 minutas.
Or da Battaporta dals 21.10.2016.