Dapli da Nickless
Sia emprima single «Waiting» è stada ina surpraisa - ina chanzun che va spert en l’ureglia, e che tut ils radios svizzers han programmà immediatamain. A la fin da l’onn 2015 è la chanzun schizunt stada sin plazza 17 da la rangaziun da l'onn da «Airplay»: la meglra chanzun svizra!
Nickless è oriundamain battarist ed è stà commember da la band «Klirrfaktor». Cura che la band è sa schliada, ha el decidì d'empruvar ina carriera da solist.
Uss vegn ses emprim disc «Four Years» ch’el ha realisà cun il producent Thomas Fessler, in garant per buna qualitad. E Nickless sco multi-instrumentalist ha cumponì tut las chanzuns e suna la gronda part dals instruments. E già è el sin buna via: ses album è entrà sin la quarta plazza da la parada da hits.
