Siglir tar il cuntegn
cuntegn

Live tar RTR Lo & Leduc – «NullSiatNov»

Lo & Leduc èn stads en il studio da RTR ed han fatg ina versiun rumantscha da lur nov hit «079».

Legenda: Guardar il video Lo & Leduc en il studio dad RTR emprendan rumantsch. Durada 05:16 minutas.
Or da RTR dals 06.04.2018.

Ils dus giuvens Bernais Lorenz Häberli e Luc Oggier fan dapi diesch onns ensemen musica. Sco «Lo & Leduc» publitgeschan els uss lur sisavel album «Update 4.0» e tuttina sco ils emprims Update-albums ès era quel gratuit. Tar «Update 1.0» saja l'album stà gratuit, perquai che la glieud haja pir ina giada stuì scuvrir els. Ma l'album saja naschì plitost ord in schabetg: Lo & Leduc han numnadamain cumenzà lur carriera en l'ensemble «Pacomé» ed han fatg il 2009 lur emprim album. Tar quel èn restads avunda chanzuns per in segund album ch'els han lura publitgà sco duo «Lo & Leduc».

Il text rumantsch da 079

Personen-Box aufklappenPersonen-Box zuklappen

Dai silmeins a mi treis cefras.
Fai schi bien.
Ei dess mo pli siat cefras ch’jeu stuess aunc anflar or lu.

||: Null siat nov ha'la detg.
Ti sas aunc adina nuot, ha'la detg.
Gnanc tschüss ha'la detg, gie.
Jeu damondel ella suenter sia tütütü,
ha'la detg tüütüt :||

Jeu dun mintga di in telefon.
E less tia numera.
Wär lütet hüt no dr Uskunft aa?
Biars lavuran buc pli leu.
Mo pli ti, ed aunc duas autras.
Heisst, mintga tiarza ga prens ti giu.
Sie gäb mier jedi numera, numera.
Numa sia dat ella buc.

Dai silmeins a mi treis cefras.
Fai schi bien.
Ei dess mo pli siat cefras ch’jeu stuess aunc anfla or lu.

E sch’jeu emprovel per minuta treis dallas numeras, vai bu ditg.
De chönns maximau nume sächsehaub Jahr lang ga, bis i ihri fing.

||: Null siat nov ha'la detg.
Ti sas aunc adina nuot, ha'la detg.
Gnanc tschüss ha'la detg gie,
Jeu damondel ella suenter sia tütütü,
ha'la detg tüütüt. :||

Ed uss sun jeu schon bia onns
Coligiaus falliu.
Und am Schluss blibt mir gie propi mo pli ina numera.
Gie, mo ina numera.

Cu jeu smachel quels nuvs cun detta tremblonta,
sun jeu lu segirs che quella constat era.
Ed ord il nuot audel tia vusch uss.
Denton il tram lez aud’jeu buc, na,
wo no het wöue brämse. Aber es längt lang nid.
Ed ord il nuot fai pam e tut vegn uss clar.

||: In quatter quatter hei sie gseit.
Wie isch das nume passiert, hei sie gseit.
Tappalori, hei sie gseit, gie.
U si winkched d’Ambulanz häre.
Hie, hie, hie, hei sie gseit – hie, hie. :||

Dus munds cumbinads

Cun l'album «Zucker fürs Volk» dal 2014 èn Lo & Leduc s'etablids definitivamain en ils radios e la parada da hits Svizra. In motiv per quai è segir er che lur musica è daventada pli melodiusa ed adattada per in vast public. Perquai han Lo & Leduc er pudì dar concerts tar blers festivals en Svizra. Là èn per exempel «Jung verdammt», «Blaui Pepperoni» u er «All die Büecher» anc adina tranter las preferidas. Ils Bernais che vegnan accumpagnads d'ina fulla musicists durant quels concerts, han plaschair ed energia sin tribuna. E quai influenzescha er lur public.

Da l'autra vart dattan ils rappers concerts en furmaziun classica e sa participeschan ad events sco il Cypher da SRF Virus – in inscunter da la scena da rap Svizra, nua che pli che 80 rappers cumbattan sur set uras per la meglra «punchline».

Punchline tge?

Personen-Box aufklappenPersonen-Box zuklappen

Ina «Punchline» è ina pointa sin donn e cust d'in auter rapper u d'ina autra persuna. En in cumbat emprovan ils rappers uschia da far vegnir or dal concept lur adversari.

Cun «Update 4.0» turnan els puspè tar lur ragischs, però cun texts pli critics ed in sound pli dir. Per Lo è quai album: «betg mulà, liber, senza concept, tschuf ». Ma tuttina è l'album gartegià ed ha il potenzial d'avair success.