Siglir tar il cuntegn

Header

cuntegn

Live tar RTR La chanzun svizra per l’Euro en rumantsch

En la televisiun, en ils radios e dapertut nua ch’ils gieus da ballape vegnan mussads, pon ins tadlar la chanzun svizra da l’Euro «Tous ensemble» dal chantadur Gustav. Questa chanzun datti uss era en ina versiun rumantscha!

Purtret da Gustav cun Ivo Orlik
Legenda: Gustav cun Ivo Orlik. RTR, D. Bavier

La chanzun franzos-tudestga na tanscheva dentant betg a Gustav, sia finamira era d’era anc chantar la chanzun en autras linguas. Uschia ha el clamà ora en il mund: «Translatai per mai Tous ensemble en vossa lingua ed jau chant ella per vus».

audio
Tuts ensemen (Tous ensemble, versiun rumantscha)
ord Actualitad dals 30.06.2016.
laschar ir. Durada: 2 minutas 30 Secundas.

Il clom da Gustav è arrivà enfin Cuira en il studio da RTR. Il moderatur Ivo Orlik ha translatà la chanzun ed envidà Gustav. Ensemen han els registrà ina versiun franzos-rumantscha – et voilà:

RR actualitad bunura

Artitgels legids il pli savens