Live tar RTR - «DUS» - portan ils culms en la citad

1 / 4

Legenda: Gino preschenta ses nov disc RTR, Dominic Pohle

2 / 4

Legenda: Gino Carigiet ha fatg ina visita ad RTR e preschentà ses disc nov Gino Carigiet ha fatg ina visita ad RTR e preschentà ses nov project musical RTR, Dominic Pohle

3 / 4

Legenda: Gino Carigiet è losch da ses disc nov Gino Carigiet è losch da ses disc nov RTR, Dominic Pohle

4 / 4

Legenda: Cover dal album «Clar e stgir» dal duo DUS Cover dal album «Clar e stgir» dal duo DUS MAD

Ils culms en la citad è il motto dal duo «DUS». Quai èn il grischunais Gino Carigiet ed il bernais David Friedl. Omadus han studegià a la scola auta d'art a Berna jazz e contemporary music. Durant il temp da studi han els sunà ed experimentà en differentas furmaziuns. Il 2016 èn els lura sa mess ensemen sco duo e fundà «DUS».

Musica experimentala per in e scadin

Cun la ghitarra da Friedl e la vusch da Carigiet experimenteschan «DUS» cun differents geners da musica. Dentant adina cun la finamira da crear in art che po plaschair a mintgin. La collavuraziun grischun-bernaisa è ina bella maschaida da chanzuns cun la vusch extraordinaria da Carigiet e cleras melodias acusticas da la ghitarra da Friedl.