Siglir tar il cuntegn

Header

cuntegn

Live tar RTR Bo Katzman & The Cat Pack

In return sin il palc cun pop e rock.

Blers enconuschan a Bo Katzman e ses cor da gospel che s’annunzia mintg’onn cur ch’i va vers Advent e Nadal. Tut quels e quellas da la generaziun che è uss sur 50 enconuschan a Bo Katzman er sco musicist da pop e rock.

5 musicists
Legenda: Bo Katzman Gang dal 1983 Mad

A la fin dals onns 70 e principi 80 era el preschent cun sia band, cun la «Bo Katzman Gang» e cun ses hits da New Wave «I'm In Love With My Typewriter», «Who's that woman», «Working On The Galley» e «Cuba Rum».

Success cun ses chors

Suenter ha il magister da musica e dirigent funda in emprim chor da scolars, lura ils «Katz Kids» e per finir ses cor da gospel cun 150 chantaduras e chantadurs. Cun quel ha el fatg concerts en tut la Svizra ed en Germania, ed ha gì grond success. Sur 1 milliun persunas han vis ils concerts ed els han vendì ½ milliun portatuns.

Il return tar pop e rock

ina gruppa da rock
Legenda: Bo Katzman & The Cat Pack dal 2017 Mad

Uss, suenter 25 onns ha el gì gust da far altg auter, da turnar sin il palc sco chantadur cun sia veglia band e da far puspè pop e rock. Ses collaegas n'ha el betg stui persvader, quels èn stads fieu e flomma. Il disc nov porta il titel «The Truth» e cuntegn 13 tocs cun bler soul e blues.

audio
Bo katzman 1
ord Musica dals 31.08.2017.
laschar ir. Durada: 31 Secundas.

La «Bo Katzman Gang» la fin dals onns 70 e principi 80 e ses hits «I'm In Love With My Typewriter», «Working On The Galley» e „Cuba Rum»

audio
Bo katzman e ses chor d'uffants
ord Musica dals 31.08.2017.
laschar ir. Durada: 24 Secundas.

Bo Katzman, ha fatg in studi da musica e suenter ha el lavura sco magister da musica e dirigent. Lura ha el gì l'idea da fundar ses emprim chor da scolars.

audio
ses cor da gospel
ord Musica dals 31.08.2017.
laschar ir. Durada: 31 Secundas.

Suenter ha el fundà ils «Katz Kids» e per finir ses chor da gospel, in grond project cun sur 150 chantaduras e chantadurs. Per el ina gronda sfida organisatorica.

audio
il success
ord RTR Audio dals 31.08.2017.
laschar ir. Durada: 29 Secundas.

Ses project è creschì ed è daventà ina gronda organisaziun che ha gì success enorm. sur 1 milliun persunas han visita lur concerts ch'els han fatg in Svizra ed en Germania.

audio
puspè opo e rock
ord RTR Audio dals 31.08.2017.
laschar ir. Durada: 23 Secundas.

Suenter blers onns sco dirigent dal chor da gospel vul Bo katzman puspè turnar sin il palc sco chantadur cun sia veglia band. Simplamain far musica en in stil cler e direct.

audio
in disc cun bler soul
ord RTR Audio dals 31.08.2017.
laschar ir. Durada: 13 Secundas.

Ses disc nov «The Truth» e cuntegn 13 tocs cun bler soul e blues, la musica che ha accumpogna a Bo Katzman durant sias giuventetgna.

Artitgels legids il pli savens