Siglir tar il cuntegn

Header

Bibi Vaplan durant sia intervista en il studio
Legenda: Bibi Vaplan raquinta istorgias ed istorgiettas da ses album nov. RTR, Dominik Hardegger
cuntegn

Live tar RTR Bibi Vaplan conquista la Svizra cun «Cler Cler»

Ella preschenta ses album nov «Cler Cler» e dumogna d'entrar cun quel en ils radios en tut las regiuns da la Svizra. In bel success per la musicista rutinada oriunda da Scuol. Nus vain dumandà suenter tar noss collegas da SRF e RSI daco ch'els èn fan da Bibi Vaplan.

Cun ses novischem album «Cler Cler» èsi reussì a Bibi Vaplan insatge che be paucs dumognan: sias chanzuns novas èn d'udir sin ils radios en tut las regiuns linguisticas da la Svizra. Quai è in grond pass ed in success che na sa chapescha insumma betg da sasez. Perquai avain nus vulì savair da noss collegas da SRF e RSI daco che Bibi Vaplan chatta tanta accoglientscha tar els.

«Cler Cler»: il 6avel disc

Sia nova ovra ha Bibi Vaplan registrà a Turitg en il Studio «Aquarium» tar Manfred Zazzi ensemen cun Martina Berther (bass e chant) e Dario Sisera (batteria). Il resultat: in album cun chanzuns en il stil tipic da Bibi Vaplan, il link avra en ina nova fanestraavrir en il browser, fin, sensibel e melancolic, pero er cun surpraisas e tuns electronics. Sia musica è frestga, cun in bel ritmus, intensitad, ed in bel surrir.

audio
Jachen Prevost davart il disc nov da Bibi Vaplan
ord Musica dals 28.03.2018.
laschar ir. Durada: 2 minutas 17 Secundas.

Il disc è in proxim pass enavant en la carriera da Bibi Vaplan. El è captivont, fascinant, plain creativitad ed adina pront per ina surpraisa.

Gia baud cumenzà cun musica

Bianca Mayer, alias Bibi Vaplan, è naschida il 1979 a Scuol. Dal 2000 fin il 2005 ha ella studegià a la scol’auta da musica a Turitg. Gia durant quel temp ha ella cumenzà a cumponer ed a far musica cun il num d’artista «Alba da la Clozza» e pli tard lura sco «Bibi Vaplan».

Discografia

Alba da la clozza
2009
Ingio vasch?
2010
Eu vegn cun tai
2011
Sdruogliar2012
Cul vent
2015
Cler Cler
2017
video
In purtret da Bibi Vaplan ed Astrid Alexandre
Or da Telesguard dals 28.03.2018.
laschar ir. Durada: 4 minutas 59 Secundas.

RR Telesguard 17:40

Artitgels legids il pli savens