Siglir tar il cuntegn

Header

video
Anna Känzig en rumantsch
Or da RTR dals 03.04.2018.
laschar ir. Durada: 1 minuta 34 Secundas.
cuntegn

Live tar RTR Anna Känzig – Siemia sulet

Dus onns suenter ses davos album preschenta Anna Känzig sia nova single «Dream Alone». E demussa ch'ella ha er emprendì in zic rumantsch.

Il quart album da la giuvna da Turitg cumpara bain pir la primavaira 2019, l'emprima single giudlonder publitgescha ella gia uss: «Dream Alone». Sco blers auters suonda era Anna Känzig al trend actual e metta dapli paisa sin elements electronics en sia musica. Suenter dus albums acustics en direcziun folk ha Känzig gughegià d'experimentar sin ses terz album «Sound and Fury» cun musica da pop electronica.

audio
Svilup musical
ord Famus e glorius dals 03.04.2018.
laschar ir. Durada: 33 Secundas.

Midada che porta success

Quella nova maschaida en cumbinaziun cun sia bella vusch ha fatg vegnir enconuschent Anna Känzig en Svizra. Tgi sa sche quai munta ch'ella daventa cun quai anc pli enconuschenta en Svizra? U sch'ella po schizunt far in pass sin il palc internaziunal?

audio
Ed uss zack internaziunal
ord Famus e glorius dals 03.04.2018.
laschar ir. Durada: 35 Secundas.

Tgi è Anna Känzig?

Anna Känzig è naschida la stad 1984 a Turitg sco feglia d'ina famiglia musicala. Uschia ch'ella ha gia baud emprendì da sunar ghitarra, bass e clavazin. Ch'ella studegia sco multi-instrumentalista lu era musica da jazz a la scola auta dals arts è quasi stà la via logica. Il 2011 publitgescha ella ses emprim album «Four Acres and No Horse».

Apropros «... No Horse»

Avrir la box Serrar la box

«No Car» – pia nagin auto – ha Känzig dal reminent gì in di ch'ella è scappada dal «Zürcher Central». Hä? Perquai ch'ella ha durant ina lecziun d'autoscola betg pli dumagnà da metter en funcziun l'auto e quai entamez Turitg (!) ha ella simplamain avert la porta ed è scappada ord l'auto.

Dus onns pli tard publitgescha Känzig ses segund album «Slideshow Seasons». Entras quel è il label Sony Music vegnì attent sin la giuvna da Turitg che ha suenter il 2016 publitgà ses terz album «Sound and Fury» che ha cuntanschì plaz set en las charts svizras.

Anna Känzig avant il logo da RTR
Legenda: Anna Känzig ha visità RTR per in'intervista RTR, Dominic Pohle

Anna Känzig sin turnea

Avrir la box Serrar la box

15.04.2018 – a Turitg – Cohen Tribute, Rigiblick

06.05.2018 – a Turitg – Cohen Tribute, Rigiblick

26.05.2018 – ad Oberrohrdorf – Private bei den Wiederkehrs

07.06.2018 – a Turitg – IGEM Jubiläum, Smith & Luma

17.06.2018 – a Bleienbach – 60 Jahre Ford

19.06.2018 – a Turitg – Tom Waits Tribute, Rigiblick

20.06.2018 – a Turitg – Tom Waits Tribute, Rigiblick

RR actualitad 10:30

Artitgels legids il pli savens