Jakob ni Jacques Offenbach - naschì ils 20 da zercladur 1819 a Köln, mort ils 5 d'october 1880 sper Paris - è stà in cumponist, cellist e directur da teater tudestg-franzos. El vala sco l'inventader da l'operetta moderna, vul dir da quella che è s'emancipada e daventada uschè in gener independent dal teater musical. I sa tracta dad ovras per la tribuna cun ina presa critic-satirica. En sias operettas prenda Offenbach gugent situaziuns dal mintgadi e persunas da la societad aristocratica sin la corna. Sia musica è viv-frestga, da grond schlantsch e d'ina ritmica marcanta. Las melodias van bainspert en l'ureglia (Barcarole ord Les Contes dHoffmann ni il Can-Can ord Orpheus in der Unterwelt). Sper sia musica per la tribuna (102 ovras, d.a. La belle Hélène, La vie parisienne, Barbe-bleue) ha Offenbach era cumponì per cello e piano e concerts per cello ed orchester.
Ils titels en l'emissiun
TITEL | INTERPRET | CUMPONIST |
---|---|---|
La belle Hélène, uvertura | Philharmonia Orchestra | Jacques Offenbach |
Can-Can aus: Orpheus in der Unterwelt | Orchestre + Choeur Capitole Toulouse | Jacques Offenbach |
Barcarole aus: Hoffmann's Erzählungen | Radio-Sinfonie Orchester Stuttgart | Jacques Offenbach |
Allegro und Polka aus: Gaîté parisienne | Orchestre symphonique de Montréal | Jacques Offenbach arr: M. Rosenthal |
aus: Konzertrondo für Cello und Orchester in G-Dur | O. Harnoy & Cincinneti Symphonie Orchestra | Jacques Offenbach |
Les deux aveugles, uvertura | Philharmonia Orchestra | Jacques Offenbach |
La vie parisienne, uvertura | Philharmonia Orchestra | Jacques Offenbach |
Barbe-bleue, uvertura | Philharmonia Orchestra | Jacques Offenbach |
Valse aus: Hoffmann's Erzählungen | Raphael Concert Orchestra | Jacques Offenbach |
Schöne Nacht (Barcarole) aus: Hoffmann's Erzählungen | Solo/Chor Bayer. Rundfunk & Rundfunkorchester München | Jacques Offenbach |
Souvenirs de Londres | Marco Solini, piano | Jacques Offenbech |
La fille du tambour-major, uvertura | Philharmonia Orchestra | Jacques Offenbach |