Ils 27 da schaner 1901 mora maestro Giuseppe Verdi a Milano. Passa 300’000 han accumpagnà el l’entschatta da favrer sin ses ultim viadi. Sco davos salid ha Arturo Toscanini dirigì il «Va, pensiero, sull’ali dorate» – chantà dad 833 chantadurAs.
Naschì è Giuseppe Verdi ils 9 u 10 d’october 1813 a Le Roncole/Provinzia di Parma. La Classica porta musica dal grond maestro talian, betg musica da sias operas, mabain musica instrumentala dal giuven Verdi; concerts per piano, trumbetta e fagot ed ovras pur orchestralas ch’el ha scrit cun 23-25 onns. Verdi era lura «maestro di musica» a Busseto. Là viveva el cun sia dunna Margherita e ses uffants Virginia ed Icillo. Tranter 1838 e 1840 moran ils dus uffants e sia dunna. Ina greva frida per Verdi!
Ils titels en l'emissiun
TITEL | INTERPRET | CUMPONIST |
---|---|---|
Sinfonia in C | Orchestra Sinfonica Milano G. Verdi | Giuseppe Verdi |
Adagio per tromba et orchestra | Orchestra Sinfonica Milano G. Verdi | Giuseppe Verdi |
Capriccio per fagotto et orchestra | Orchestra Sinfonica Milano G. Verdi | Giuseppe Verdi |
Canto di Virginia | Orchestra Sinfonica Milano G. Verdi | Giuseppe Verdi |
Variazioni per piano et orchestra | Orchestra Sinfonica Milano G. Verdi | Giuseppe Verdi |
aus: Aida - 'Gloria all' Egitto' | Chor und Orchester Deutsche Oper Berlin | Giuseppe Verdi |