Siglir tar il cuntegn

Header

audio
A Jan de Haan sin 70
Or da L'instrumentala dals 28.07.2021. Maletg: mad
laschar ir. Durada: 59 minutas 58 Secundas.
cuntegn

Anniversari A Jan de Haan sin 70 onns

Ils 29 da fanadur 1951 è naschì a Nijefurd en l'Ollanda Jan de Haan. Il musicist, cumponist e dirigent è il frar vegl da Jacob de Haan e po festivar quest onn ses 70avel anniversari.

En l'Instrumentala ans vulain nus deditgar a la musica da Jan de Haan che chatta cun sias cumposiziuns per Brass Band ed orchesters d'instruments a flad adina puspè plaz en ils programs da concerts ed er festas da musica. «Contrasten», «A Sunrise Impression» u er «A Discovery Fantasy» èn be intginas ovras che vegnan regularmain tschernidas da societads da musica en il Grischun ed en Svizra.

Jan de Haan fa dentant er savens transcripziuns da corals u ovras classicas sco per exempel «Der Mond ist aufgegangen» u «Wer nur den lieben Gott lässt walten». El diregia plirs orchesters en l'Ollanda, tranter auter la Soli Brass. El vegn er regularmain envidà sco dirigent ospitant tar orchesters professiunals sco per exempel il Tokyo Kosei Wind Orchestra u la Desford Colliery Brass Band u la Brighouse and Rastrick Brass Band.

Dal 1978 fin il 1989 era Jan de Haan dirigent, cumponist ed arranschader tar il radio e la televisiun ollandaisa. Sco directur da programm ha el producì tranter auter 140 emissiuns da musica per la televisiun. Vitiers ha el lavurà intgins onns sco docent per direger a l'academia da la pedagogia da musica a Leeuwarden.

Il 1983 ha el fundà la chasa editura De Haske. 25 onns pli tard, il 2008, ha el vendì sia participaziun a la chasa editura per pudair deditgar dapli temp al cumponer e transcriver.

Ils titels en l'emissiun

TITELINTERPRETDIRIGENTCUMPONISTONN
Susato variationsBlack Dyke BandNicholas John ChildsHaan, Jan de2010
AriosoDesford Colliery Caterpillar BandJames WatsonHändel, Georg Friedrich / Haan, Jan de1989
Consolation (Wer nur den lieben Gott lässt walten)Fodens Courtois BandIan PorthouseHaan, Jan de / Traditional2010
A Discovery Fantasy (pag)Societed da musica da San MurezzanAlexandra DemarmelsHaan, Jan de2007
A Sunrise Impression (pensum)Jugendmusik JenazAndrea NoldHaan, Jan de2007
The Young AmadeusMusica da giuvenils da DomatDuri AligTrad. / Parker, Tom / de Haan, Jan1990
Danses de Fantaisie. Part ISymphonic Band of the Lemmens ConservatoryJan van der RoostHaan, Jan de1994
Danses de Fantaisie. Part IISymphonic Band of the Lemmens ConservatoryJan van der RoostHaan, Jan de1994
Danses de Fantaisie. Part IIISymphonic Band of the Lemmens ConservatoryJan van der RoostHaan, Jan de1994
Camel rideNorthern WindsJan de HaanHaan, Jan de2009
SarabandeSoli BrassJan de HaanHändel, Georg Friedrich / De Haan, Jan1993
PastoraleBrass Band Soli Deo Gloria LeeuwardenJan de HaanHaan, Jan de1992
Spring SongBrass Band de Bazuin OenkerkKlaas van der WoudeDe Haan, Jan2011
Der Mond ist aufgegangenDesford Colliery Caterpillar BandJan de HaanSchulz, Johann Abraham Peter1992
Evening SongSoli BrassJan de HaanScholefield, Clement Cotterill / De Haan, Jan2008

RTR Instrumentala 19:00;

Artitgels legids il pli savens