Tiziano Ferro: Showcase d'in dals stars da la musica taliana

Avant 15 onns ha el dà ses debut musical cun il megahit «Perdono». Dapi lura è el daditg s’etablì ed è oz in dals gronds nums da la musica taliana. L’entschatta december ha el fatg visita per in showcase exclusiv tar RSI.

Laschar ir video «Tiziano Ferro - Showcase»

Tiziano Ferro - Showcase

62 min, Actualitad video dals 14.12.2016

Ed insumma …

Da sairas stgiras e fraidas na datti nagut pli bel che star en stiva chauda e pensar al chaud da la stad, forsa er cun laschar ir tras il chau ils purtrets da las vacanzas en la bella Italia. E sco accumpagnament acustic datti musica taliana.

Ils chantadurs talians èn numnadamain stads fitg activs l’ultim temp – blers han publitgà albums novs: Marco Mengoni, Negramaro, Ligabue, Nek, Zucchero...quai per menziunar mo in per nums enconuschents. Sin questa glista auda era Tiziano Ferro: El ha l’emna passada fatg ina visita exclusiva e musicala a noss collegas da Radiotelevisione Svizzera Italiana RSI a Lugano. El ha dà pled e fatg e purschì in per chanzuns als fans preschents en il studio.

Entir di plain musica taliana

Cunquai che la musica taliana è era tar RTR in grond tema na purschain nus betg mo il showcase en video e tun. Na, nus avain deditgà en il radio in entir di a la canzone italiana.