Siglir tar il cuntegn

Header

audio
Il 55avel inscunter da chapellas a Landquart
Or da Actualitad dals 10.01.2019.
laschar ir. Durada: 3 minutas 2 Secundas.
cuntegn

Giud tribuna L'inscunter da chapellas a Landquart

Proxima sonda, ils 12 da schaner, ha lieu per la 55avla giada la sairada cun buna musica populara – in eveniment cun blera musica dal Grischun, da la Svizra ed er dal Tirol dal Sid.

Mintg’onn il cumenzament da schaner è in dals eveniments ils pli impurtants per ils amis da la musica populara: l’inscunter da chapellas en il «Forum Im Ried» a Landquart.

In eveniment da tradiziun

L’emprim inscunter è stà il 1965 sin iniziativa da Hans Niederdorfer, quella giada anc en la sala dal Marsöl a Cuira. Quest onn vegn quel organisà per la 55avla giada, e «l’Associaziun svizra da la musica populara» ha envidà 14 furmaziuns grischunas, svizras ed er ina dal Tirol dal Sid: il trio «Maschlmusig».

14 chapellas sa preschentan

L’inscunter ha gia gronda tradiziun, e per ils amaturs da la musica populara è quai l’emprim eveniment impurtant da l’onn nov. Sin il program èn bleras chapellas grischunas, sco ils «St. Antönier Ländlerfründa», las chapellas «Rhygold», «Oberalp», «Alpafründa» ed er ils «Fränzlis da Tschlin». Dal Toggenburg vegn il «Ländlertrio Tanzboden» – e dal chantun Berna il quintet «Berna-Grischa». Tut las represchentaziuns vegnan registradas da la «Musikwelle» da Radio SRF, e tar nus pudais Vus udir ils 31 da schaner in schelta da quella sairada.

Il program dal inscunter da chapellas 2019

Avrir la box Serrar la box

20:10 – 20:30: St. Antönier Ländlerfründa, Di jungä Prättiger

20:30 – 20:50: Chapella Hoharätia, Ländlertrio Tanzboden

20:50 – 21:10: Jodelduett Maltrin, Chapella Rhygold

21:10 – 21:30: Ländlertrio Oswald Schaub, Chapella Berna-Grischa

22:00 – 22:20: Ländler-Wurlitzer, Maschlmusig (dal Tirol dal Sid)

22:20 – 22:40: Chapella Alpafründa, Ils Fränzlis da Tschlin

22.40 - 23.00: Schabernack, Chapella Oberalp

23:10 tut las participantas e participants sunan da cuminanza sin il palc

RR musica 09:30

Artitgels legids il pli savens