Siglir tar il cuntegn

Eurovision Song Contest «Zibbz» n'han betg cuntanschì il final dal ESC

Er quest onn n'è la Svizra betg en il final dal Eurovision Song-Contest.

Ils fragliuns «Zibbz» durant lur preschentaziun en il mezfinal a Lissabon.
Legenda: Ils fragliuns «Zibbz» durant lur preschentaziun en il mezfinal a Lissabon. Keystone

Cun lur chanzun «Stones» n'han ils fragliuns «Zibbz» betg dumagnà la qualificaziun. En l'emprim mezfinal a Lissabon èn 10 pajais sa qualifitgads per il grond final da la sonda. En tut èn sa participads 19 pajas a l'emprim mezfinal.

Sco spetgà è la chantadura da l'Israel Netta cun sia chanzun inspirada da la debatta «MeToo» enturn il tema mulesta sexuala vegnida vinavant. Ella vala sco favurita per il final.

Medemamain en il final èn er ils participants da la Cipra, l’Austria, l’Estonia, la Lituania, la Tschechia, la Bulgaria, l’Albania, la Finlanda e l’Irlanda.

RR novitads 06:00