Siglir tar il cuntegn
Inhalt

8x15 8x15. – ils 9 da december en il Kammgarn a Schaffusa

Alois, Carvel', Crimer, Jessiquoi, Make Plain, Rootwords, Tawara e The Hydden. Sounds novs e multifars da tut la Svizra. SRF Virus ha mess quellas bands ils 9 da december sin la tribuna dal Kammgarn da Schaffusa. Bands da scuvrir e sounds da giudair tar 8x15..

8x15. ha preschentà la futura staila al firmament da pop da la Svizra, il duo da rock il pli cool e duas da las pli actualas One-(Wo)Man-Shows. Ils musicists derivan da tut las regiuns svizras e fan musica en ils stils ils pli differents – dal Synthie-Pop, Elektro, Reggae, HipHop, Singer-Songwriter enfin a l’Indie. 8x15. ha portà tut quai en ina saira en furma da 8 concerts da 15 minutas e tut en il medem lieu e la medema saira: Ils 9 da december en il Kammgarn a Schaffusa.

  • 8x15. dumengia, ils 24 da december 2017 a las 0:20 a la televisiun sin SRF 2

Alois: simplamain Alois, la band

Alois da Lucerna ston ins simplamain emprender ad enconuscher. Igl è pop en colur, armonic, cun bleras fassettas, sentimental, experimental ed aventurus. Il quartet preschenta a Schaffusa parts da ses album da debut «Mints».

Alois sin mx3, il link avra en ina nova fanestra

Carvel': Quels cun l'apostrof

Pertge in apostrof en il num da la band? Simplamain perquai ch’i guarda ora bain. Senza grond senn davostiers. Organic-electronic- pop numnan els lur sound. Indie-pop cun surpraisas per egl ed ureglia.

Carvel' sin mx3, il link avra en ina nova fanestra

Crimer: One-Man-Show

Crimer è senza dubi la nova staila da la scena da pop svizra. Catapultà cun ina maschina dal temp dals onns 80 directamain vi en l’oz. Tant opticamain sco er acusticamain in talent. Ed er SRF3 ha elegì ad el il matg sco «Best Talent». Al 8x15. ha el preschentà ses album da debut.

Crimer sin mx3, il link avra en ina nova fanestra

Jessiquoi: Neon-Pop – selvadi, electronic

Quai che Jessiquoi da Berna fa sin tribuna cun in char da fain plain instruments ed in’arpa chinaisa è extrem fascinant. La performance da l’artista svizra-australiana è in eveniment che sa volva dal tecno vi en dancehall e da worldmusic en rap.

Jessiquoi sin mx3, il link avra en ina nova fanestra

Make Plain: Reducì al maximum

Ins po far ina chaussa a moda cumplitgada u er simplamain bain. Andrea e Luca dal Tessin fan simplamain. Quai dian els er gia en lur num Make Plain. Simpel e bun. Cun duas vuschs e tschintg instruments fan els in folk-pop da bellezza.

Make Plain sin mx3, il link avra en ina nova fanestra

Rootwords: burgais mundial senza cunfins

Naschì en ils Stadis Unids cun ragischs da la Sambia e creschì si en Svizra. Ed uss abitescha el a Genevra. Sch’insatgi n’enconuscha betg cunfins, lura el. Er musicalmain: rap, rock, reggae e R’n’B. Musica critica per ina societad averta.

Rootwords sin mx3, il link avra en ina nova fanestra

Tawara: dal Grischun or en il mund

Florian Trepp è il cor e la vusch da Tawara. Il Grischun ha fatg lungs viadis e turneas. Il satgados ch’el ha purtà a chasa è perquai plain cun musica da tuttas sorts. Cunzunt indie-pop. Ses songs èn reducids sin in minimum e regordan strusch a ses passà cun la band da reggae Tawara Shen Kool.

Tawara sin mx3, il link avra en ina nova fanestra

The Hydden: «Royal Blood» svizzer

«La resposta svizra sin Royal Blood» uschia ha Dominic Dillier, il moderatur dal Rock Spezial da SRF3 commentà l’album da debut «Anthems For The Wild And Hungry» da The Hydden. In duo musical da Turitg e Sutsilvania sco fatg per la tribuna 8x15..

The Hydden sin mx3, il link avra en ina nova fanestra