Siglir tar il cuntegn

Header

cuntegn

#TurneaDaFestivals Quai è stà il «Arcas Rock» 2019!

Sonda saira ha nossa turnea da festivals cumenzà cun ils concerts dal Arcas Rock en la citad veglia da Cuira.

La segunda ediziun dal Arcas Rock è istorgia. La bilantscha musicala è buna, cun acts sco Pascal Gamboni, Combo Crassira ni Jacob Banks che han persvas. Il president dal comité d’organisaziun, Stefan Parpan, n’è dentant betg stà dal tut cuntent a la fin da la saira.

audio
Discurs cun l'organisatur Stefan Parpan
ord Actualitad dals 16.06.2019.
laschar ir. Durada: 35 Secundas.

Malgrà in public pli pitschen che spetgà, la atmosfera era buna sin la Plazza Arcas a Cuira.

L'act principal da la saira è stà Jacob Banks: Il giuven englais, ch'è oriund da la Nigeria, ha dà in concert bumbastic: Noss redactur Patrick Capaul è s'inscuntrà cun el curt avant ses concert.

audio
L'intervista cun Jacob Banks
ord Actualitad dals 16.06.2019.
laschar ir. Durada: 4 minutas 36 Secundas.
Jacob Banks
Legenda: Gea, el è anc pli grond co quai ch'el vesa ora sin la fotografia. ;-) RTR / Oceana Galmarini

Tar mintga festival che noss team visita questa stad fa noss moderatur Livio Chistell era ina intervista tut speziala cun tut differents artists. La chantadura Veronica Fusaro, che ha è sunà al Arcas Rock na vegnia en mintga cas mai ad emblidar quella intervista qua.

video
Dumondas essenzialas cun Veronica Fusaro
Or da Turnea da festivals dals 16.06.2019.
laschar ir. Durada: 3 minutas 16 Secundas.
Veronica Fusaro
Legenda: Veronica Fusaro cun la bellezza vusch. RTR / Oceana Galmarini

Bainbaud parta il team da la turnea da festivals al proxim festival near you – qua chattas ti tut las datas ed ils lieus. Fin bainbaud!

RTR live, 18:00

Artitgels legids il pli savens