Siglir tar il cuntegn

Header

cuntegn

Turnea da festivals 2018 Label Suisse 2018

Per l'otgavla giada ha lieu a Losanna il Label Suisse – in festival sa deditgà a la musica svizra e sia varietad.

DATA

14.09. fin 16.09.2018

LIVE EN IL RADIO CUN CONCERTS ED INTERVISTAS

Venderdi, sonda e dumengia – mintgamai da las 20:00 a las 22:00

LINE UP:

60 bands – tranter auter:

ZEAL&ARDOR

La musica, in mix da soul, gospel e black metal. La band svizra visita sin sia turnea actuala lieus sco Barcelona, Porto, Londra u il Jazz Festival a Montreaux. E quant grond che lur success è mussan era ils bunamain 1’000’000 views sin tscherts videos sin Youtube.

KT Gorique

Sco en blers auters geners da musica vegn savens crititgà che las dunnas mancan. Uschia datti era strusch ina rappunza sin il palc naziunal svizzer. U meglier ditg na devi nagina rappunza sin il palc naziunal. KT Gorique dal Vallais ha al davos SRF Virus Bounce Cypher persvadì era da l’autra vart dal Röstigraben. En sasez è dentant gia da ditg enconuschent il potenzial da KT Gorique. Il 2012 è ella numnadamain, sco emprima dunna insumma, daventada champiunessa mundiala dal freestyle rap a New York.

Marius Bear

Quest um ha ina vusch. Ina fitg buna vusch. Quai ston ins tadlar e betg leger. Punct!

Knöppel

Els èn ussa forsa betg gist ils gronds stars da damaun. Forsa era betg gist la band che vess insumma potenzial per success internaziunal. Il rock en tudestg songagliais è insanua tranter fauss e divertent, bun e miserabel u formulà diplomatic – unic. Ina band che procura per buna atmosfera a concerts. Dentant funcziunan ils texts songagliais cun Wixxo, Hödde ed umefigge era tar in public romand? Il Label Suisse a Losanna vegn a dar ina resposta

Mattiu Defuns

En la Rumantschia è Mattiu Defuns gia in num enconuschent en la scena. Era tar SRF3 aud’ins regularmain musica dal giuven Sursilvan. Era sche il num vegn adina puspè pronunzià en novas variantas. La gronda dumonda è dentant, tge effect ha sia musica rumantscha sin il public da l’autra vart dal Röstigraben?

Artitgels legids il pli savens