Siglir tar il cuntegn
cuntegn

Festivals SUNS Ladinia

La concurrenza da chanzuns en linguas minoritaras a Moena en Val di Fascia. Er la furmaziun rumantscha «She, York» ha fatg part da l'eveniment. Gudagnà han dentant auters, numnadamain «Doro Gjat».

Sarah Clavadetscher e Patrick Arteaga sin tribuna
Legenda: Sarah Clavadetscher e Patrick Arteaga èn She, York. RTR, Dominic Pohle
Logo SUNS Ladinia
Legenda: SUNS Ladinia mad

Gia per l'otgavla giada è vegni organisà il festival da musica per linguas minoritaras da la regiun mediterrana e da las Alps. La fin d’emna passada é quel stà a Moena tar ils Ladins da la Val di Fascia. Da la partida èn stadas otg furmaziuns. Gudagnà ha la furmaziun «Doro Gjat». Ussa pon els sa participar al final «SUNS Europe» ad Udine ch'è ils 3 da december.

«She, York», la furmaziun rumantscha

En tut èn sa participadas quest onn otg furmaziuns al festival, furmaziuns che han chantà per occitan, sard, grico (lingua greca en il Salento el sid dall'Italia), furlan, ladin e rumantsch. La Rumantschia è vegnida represchentada da «She, York», la furmaziun da Sarah Clavadetscher.

SUNS per l'otgavla giada

L’entira istorgia aveva cumenzà il 2009 ad Udine en il Friaul. Il festival da musica per linguas minoritaras da la regiun mediterrana e da las Alps ha lasuenter cuntinuà mintg’onn, adina puspè tar in’autra minoritad. Il 2011 è el er stà en terra rumantscha, pli precis a Falera. L’onn passà è SUNS vegnì organisà a Cagliari en Sardegna. La han gudagnà «Me&Marie», la gruppa rumantscha cun Roland Vögtli e Maria Moling. Els han lura er cuntanschì l’emprim plaz al final da SUNS Europe ad Udine.