Siglir tar il cuntegn
Inhalt

Festivals Il Rumantsch al festival SUNS 2017

«Tumasch è»: Il return da Thomas Cathomen.

Thomas Cathomen
Legenda: MAD

Suenter 12 onns en l’exil en il Mexico è'l turnà: Thomas Cathomen, il chantautur ch'ins enconuscheva enfin ussa sco «Tartaruga». Uss sa numna el «Tumasch è» ed el turna cun chanzuns novas, ina maschaida vasta da stils e linguas, e cun istorgias captivantas. El sa preschenta u sulet, u cun ses duo u cun sia band.

Tge è capità enfin uss:

Il 2002 preschenta Thomas Cathomen ses emprim album «tartarugapop» ch’el ha realisà tut sulet. Suenter seguan blers concerts cun sia band «tartaruga».

La stad 2005 emigrescha el a Mexico e furma là la band «dedo caracol».

Cun quella fa el dus discs ed ina EP: «homónimo» 2011; «segundos» 2015; «piezas del presente cercano» 2017.

Durant quel temp producescha el però vinavant en Svizra sco Tartaruga: Il 2007 producescha el il 12avel Top Pop Rumantsch «Tgei?» ed il 2014 il segund disc sco «Tartaruga» : «¿e schiglioc? ni ils scutinems da temps vargai».

Nov ed actual:

  • «biagonal» - EP en sis linguas cun in vestgi electroaccustic, realisà cun il producent spagnol Fon Román.
  • «niño venus» - EP en spagnol cun tocs per sautar, realisà cun il producent mexican Sacha Triujeque, victur d’in Grammy latin.
  • «canzuns cunzun» - EP cun chanzuns rumantschas en stil da folk, realisà cun il producent cuban Juan Fridman.