Siglir tar il cuntegn

2018 - Festival da jazz Norah Jones – il grond star dal Festival da jazz a San Murezzan

Il program da quest onn cuntegn puspè nums da blers stars internaziunals: Ludovico Einaudi, Nigel Kennedy, Jan Grabarek, Marcus Miller e Lee Ritenour

in dunna
Legenda: Norah Jones, il grond star al Festival da jazz Keystone

Curt e concis

  • 30 concerts dals 5 da fanadur fin ils 5 d'avust
  • gronds nums: Norah Jones, Billy Cobham, Stanley Clarke e Jan Garbarek
  • previs è in nov lieu da concert al Lej da Staz

Il festival 2018 preschenta ina giada dapli ils nums ils pli prominents dal jazz. Il num il pli enconuschent è senza dubi Norah Jones. Sper ella e blers auters vegnan era grondezzas sco Omar Sosa, Marcus Miller, Ernie Watts u Jan Garbarek en Engiadina.

Nov lieu da concert cun blera magia

Il lieu principal ès e resta il palc dal Dracula Club cun sia atmosfera unica e nunemblidaivla – perquai ch’ins è fitg datiers a musicistas e musicists.

Dasperas vegn il festival era a resunar quest onn puspè en differents lieus ordaifer dal Dracula. Ina novitad speziala: Empè dal concert sut tschiel avert a Muottas Muragl èsi previs per quest onn in eveniment en in auter lieu magic: al Lej da Staz. Il cumponist e pianist talian Ludovico Einaudi che fascinescha ses public cun tuns atmosferics suna avant la culissa magnifica dal Lej da Staz.

in um al clavazin
Legenda: Il pianist e cumponist talian Ludovico Einaudi Lej da Staz, 29.07.2018 mad/Ray Tarantino

Il festival da jazz puspè cun gronda variaziun

Il program dal festival propona sairadas cun differents stils e geners, dal Be Bop, al jazz da fusiun, da tuns latins a quels nordics e vuschs sco quellas da China Moses e da Curtis Stigers. E sco adina datti er surpraisas e tuns nunusitads. Ina da quellas è la chantadura da soul ed r’n’b americana Judith Hill ubain il violinist da l’India Abhijith P S Nair.

Program dal Festival da jazz 2018

DataBandLocal
05.07.2018Kennedy AdministrationDracula Club
06.07.2018Stanley ClarkeDracula Club
07.07.2018Kyle Eastwood / Betty L.Dracula Club
11.07.2018Billy CobhamDracula Club
12.07.2018Judith HillDracula Club
13.07.2018Abhijith P S NairDracula Club
13.07.2018Jazzrausch BigbandDracula Club
14.07.2018SomiDracula Club
15.07.2018Marcus MillerDracula Club
18.07.2018Jan GarbarekRondo Puntraschigna
18.07.2018Othella DallasKronenhof Puntraschigna
19.07.2018Nik WestDracula Club
20.07.2018China MosesDracula Club
21.07.2018Ernie WattsDracula Club
22.07.2018Norah JonesDracula Club
23.07.2018Nigel Kennedy: Bach im BadHotel Bären San Murezzan
24.07.2018Nigel KennedyDracula Club
25.07.2018Ulf & Eric WakeniusDracula Club
25.07.2018Grégory Maret & Edmar CastañedaDracula Club
26.07.2018Screaming Headless TorsosDracula Club
27.07.2018Curtis Stigers & Sofia RiberoDracula Club
28.07.2018Matthew WhitakerDracula Club
29.07.2018Ludovico EinaudiLej da Staz
31.07.2018Omar Sosa & StringsDracula Club
01.08.2018Leonard Bernstein: eine amerikanische Chronik feat. Rossi & Daniel SchnyerDracula Club
02.08.20186-String TheoryDracula Club
03.08.2018West Side Story: by Dave GrusinReine Victoria San Murezzan
04.08.2018Lee Ritenour & Dave GrusinDracula Club
05.08.2018Helge SchneiderDracula Club

RR actualitad 11:00