2017 - Festival da jazz - «Tour de charme» entamez il Guaud da Tais
Il Festival da jazz San Murezzan organisescha a chaschun dal giubileum da 10 onns concerts en lieus pli spezials ed extraordinaris. Uschia dat il pianist Fazil Say in concert sut tschiel avert accumpagnà dal tschivliez dals utschels. Quest onn vegnan bun 50 concerts organisads.
Mezdi: «Tour de charme» entamez il Guaud da Tais (Festival da jazz San Murezzan)
05:29 min, ord Actualitad dals 12.07.2017.
laschar ir. Durada: 5 minutas 29 Secundas.
Il center artistic dal Festival da Jazz è en il «Dracula Club» a San Murezzan. Quest onn han ils organisaturs enturn l’intendant Christian Jott Jenny organisà plirs concerts ordaifer. En collavuraziun cun il chantun Grischun datti in pèr lieus da concert insolits e spectaculars.
1 / 7
Legenda:
Fazil Say durant il concert en il guaud da Tais sut tschiel avert.
RTR, Anna Caprez
2 / 7
Legenda:
Fazil Say durant il concert en il guaud da Tais sut tschiel avert.
RTR, Anna Caprez
3 / 7
Legenda:
L'intendant Christian Jott Jenny avra il concert en il guaud.
RTR, Anna Caprez
4 / 7
Legenda:
Cun gronda attenziun spetga il public sin il concert ora en il liber.
RTR, Anna Caprez
5 / 7
Legenda:
Il lieu da concert vegn era regularmain duvrà da la Carmerata Puntraschigna per dar concerts.
RTR, Anna Caprez
6 / 7
Legenda:
Per chattar la via stoss suandar a las tavlas melnas.
RTR, Anna Caprez
7 / 7
Legenda:
La colonna da pajar per pargar era lunga.
RTR, Anna Caprez
Accumpagnà da tschivliez dals utschels
Entant ch’il «Swing Dance Orchestra» aveva intgantà cun musica da swing dal 20avel tschientaner, è il Guaud da Tais il proxim palc dal program dal Festival da jazz. Il pianist Fazil Say concertescha sin quella tribuna nua che la «Camerata Puntraschigna» envida regularmain a concerts sut tschiel avert. Il star da la Tirchia vegn a sunar il clavazin cun sustegn dal chant d’utschels ch'èn da chasa en il Guaud da Tais.
