Siglir tar il cuntegn

Header

Navigaziun

Legenda: Guardar il video Earth, Wind & Fire Experience feat. Al McKay Allstars a Poschiavo. Durada 01:36:42 minutas.
Or da RTR dals 25.07.2017.
cuntegn

2017 - Festival da jazz «Earth Wind & Fire» sveglia emoziuns e regurdientschas

L’enconuschenta band dals onns 70/80 ha er savì entusiasmar en ina nova furmaziun ils radund 1000 visitaders sin la Piazza a Poschiavo. Il concert ha fatg part dal Tour de Charme dal Festival da Jazz San Murezzan.

Per viagiar en la Val Puschlav han ils organisaturs dal Festival da Jazz organisà in tren spezial cun vaguns nostalgics da San Murezzan a Poschiavo. Cun trategniment da la furmaziun «The Rad Trads» è il viadi da bun duas uras passà senza dar bada.

Piazza piena

Sut tschiel avert circumdads da las chasas entamez Poschiavo han ils 13 commembers da la furmaziun «The Earth Wind & Fire Experience feat. The Al McKay All Stars» chantà ils hits dals onns 70/80 e fatg sautar e chantar ils visitaders davent da l’emprim mument. Sper il chant ha er la perfetga choreografia fatg impressiun.

«Wonderful» ed «Amazing»

Ils 6 musicists da «The Rad Trads» èn stads fascinads dal viadi sur il Pass dal Bernina cun il panorama sin il glatscher, las muntognas ed ils lais e suenter la vista sin la Val Puschlav. Suenter il concert da «The Earth Wind & Fire Experience» han ils umens da New York trategnì ils giasts anc durant il viadi enavos cun il tren fin a San Murezzan.