L'emprim festival da la chanzun rumantscha vul preschentar durant trais dis in vast spectrum da la chanzun rumantscha.
Venderdi - ils chantauturs
Cun Pascal Gamboni ensemen cun Dario Hess, Astrid Alexandre cun Sidonia Caviezel e Tumasch è cun Fiona Cavegn èn sa furmads trais duos che barattan per quella saira in cun l'auter lur musica.
Sonda - il chant da chors
Las dirigentas Rilana Cadruvi Scherrer e Flavia Walder chantan chanzuns d'uffants e Corin Curschellas preschenta ensemen cun ils Fränzlis da Tschlin lur nov DC d'uffants «1, 2, 3 dai & hop».
Da las 10:00 enfin las 14:00 emetta il Radio Rumantsch live da Trun
Il punct culminant dal festival è la concurrenza da cumposiziuns: Mintgamai quatter chanzuns sa mesiran en las trais categorias chor d'uffants e giuvenils, chor viril e chor mixt. Las 12 chanzuns participantas èn la selecziun d'ina giuria dal fatg ord la preselecziun, a la quala cumponists han pudì inoltrar novas cumposiziuns.
La concurrenza emetta RTR sco livestream sin rtr.ch.
Sonda saira preschenta Corsin Tuor, l' intendant da la seria «Perlas rumantschas», la terza ed ultima rimnada da quella seria. Cun sia Brass Band Berner Oberland preschenta el ensemen cun ils dus chors Cantus firmus Surselva e Vokalensemble inCantanti novas cumposiziuns ed arranschaments scrits per la cumbinaziun brass band ensemen cun chor.
RTR publitgescha ils videos sin rtr.ch e sin noss chanal da Youtube, il link avra en ina nova fanestraavrir en il browser.
Emissiuns da RTR davart il festival da la chanzun rumantscha
Sonda, 16-03 | 10:00 - 14:00 | Radio live da Trun cun Gaby Degonda |
13:45 - 16:30 | Livestream da la concurrenza da cumposiziuns sin rtr.ch | |
Dumengia, 17-03 | 14:00 - 16:00 | Artg musical: la concurrenza da cumposiziuns |
Mardi, 19-03 | 19:00 - 20:00 | Noss chors: las chanzuns da la concurrenza da cumposiziuns |
Dumengia, 24-03 | 14:00 - 16:00 | Artg musical: Perlas rumantschas III |
19:00 - 20:00 | La classica: La chanzun d'art rumantscha |
Dumengia - la chanzun d'art rumantscha
Chantaduras e chantadurs da professiun preschentan primaudiziuns u cumposiziuns solisticas pac enconuschentas da Gion Antoni Derungs, Armon Cantieni e Benedetg Dolf.
RTR emetta il concert en La classica dals 24 da mars.
Avant che terminar l'emprim festival da la chanzun rumantscha e surdar el per ina segunda ediziun ad ina autra regiun vegn lura anc filosofà en ina discussiun da podi davart «l'olma rumantscha».