Musicistas e musicists rumantschs da tuttas generaziuns vivan il linguatg matern cun lur chanzuns. Oravant tut la scena dals chantauturs e las chantauturas rumantschas para da prosperar ils ultims onns. Al Festival da la chanzun rumantscha partan ils maisters dal fatg tribuna e chanzuns cun ils newcomers da la scena.
Astrid Alexandre enconusch jau mo ord il radio. Nus essan s'incuntradas per l’emprimma giada a nossa emprima emprova per la chanzun rumantscha.
Astrid Alexandre e Sidonia Caviezel
Qua tutga il scharm dal chanson francosursilvan sin ils tuns populars da l'accordeon engiadinais. Dus stils, duas vuschs, dus idioms, duas dunnas!
L’accordeon da Sidonia porta in nov sound en mias chanzuns.
Thomas Cathomen e Fiona Cavegn
Fiona e Thomas èn famiglia. Els n'han dentant anc mai fatg musica ensemen. Duas vuschs da Breil cun chanzuns melancolicas plain glisch.
La Fiona fa en sias chanzuns bler chaussas ch’jau na faschess mai. I è tuttina fitg bel da far musica ensemen.
Al cumenzament èsi stà in pau curius da far musica ensemen, perquai che Thomas ha bler experientscha ed jau sun quasi frestga or dal ov.
Pascal Gamboni e Dario Hess
Sedrun e Rueras. Idol e fan. Influenzas englaisas versus influenzas americanas. Sound tuatschin cun ragischs tar il Culmatsch.
Jau sun creschì si cun la musica da Pascal Gamboni. L’emprim album dals Cantauturs Passiunai è fin oz ina gronda influenza musicala per mai.
Far musica cun Dario è adina cool! El enconuscha mias chanzuns, na dovra mai in spick.
TR Telesguard 17:40