Siglir tar il cuntegn

Header

cuntegn

Festas da musica Il segund di da festa ad Arosa

La concurrenza tranter las societads da musica cuntinuescha er la dumengia - dentant il public spetga er in act festiv cun pleds, til ed onuraziuns.

Suenter ina sonda intensiva per las radund 2000 musicantas e musicants ch'èn sa participads e sa mesirads a la festa da musica chantunala ad Arosa è la dumengia plitost in di ruassaivel. Almain per la gronda part - insaquantas societads da musica han er oz anc da sa preschentar a la giuria. Suentermezdi suondan anc las festivitads uffizialas cun la surdada da la bandiera, ils pleds festivs da cusseglier guvernativ Jon Domenic Parolini ubain da Martin Butzerin, il president dal comité d'organisaziun da la festa, sco er las onuraziuns da veterans. E last but not least vegnan anc ils rangs da las musicas annunziads.

In public cuntent

Betg be musicistas e musicists da quasi tut las valladas dal Grischun èn sa radunads ad Arosa per festivar la musica da brass, mabain er fans. E la festa para dad avair plaschì, sco quai ch'ins po tadlar en noss sternins or dal public che nus avain rimnà:

Artitgels legids il pli savens