Siglir tar il cuntegn
cuntegn

2015 - SKJF a Mustér 36 chors d'uffants e giuvenils sa preschentan a Mustér

Dals 14 fin 17 da matg ha lieu a Mustér il Festival da chors d’uffants e giuvenils da la Svizra, SKJF. 36 chors d’uffants e giuvenils, 1’000 chantadurs e chantaduras e quai durant 4 dis a Mustér ed en la vischinanza.

Mustér daventa quest matg il Mecca dals giuvens chantadurs e chantaduras da la Svizra.
Legenda: Mustér daventa quest matg il Mecca dals giuvens chantadurs e chantaduras da la Svizra. RTR, L. Livers

Quest festival ha lieu per la 5avla giada. Losanna, Turitg, Schaffusa e Son Gagl èn stads vidlonder ed uss è il Grischun en roda.

Festival en l'entira Cadi

Flavia Walder, la presidenta dal comité d'organisaziun dal festival SKJF, ha engrondì il festival quasi sin l'entira Cadi. Mustér è il center da las activitads, chantà vegni dentant davent da Tujetsch fin a Trun.

550’000 francs per organisar

Per organisar quest festival dovra quai 550’00 francs, ha Flavia Walder ditg a RTR. Quels daners vegnan dal maun public, da donaturs privats e da differentas donaziuns.

La superlativa ch’enramescha il festival da chors d’uffants e giuvenils è in chorical. Quai è ina sort musical che tut ils chors ensemen preschentan e ch’è vegnì scrit a posta per il SKJF.