Siglir tar il cuntegn

Header

baselgia son rumetg avant falera
Legenda: Baselgia Son Rumetg: In dals lieus da las producziuns dals 32 chors cun passa 1000 chantadurAs. mad festa da chant Falera
cuntegn

2017 - Falera conta La «45avla fiasta da cant districtuala Surselva» a Falera

Questa sonda vegn Falera a star cumplainamain en l’ensaina dal chant da chors. Per festivar dat quai bain inqual raschun: Per l’ina èsi la 45avla festa da chant sursilvana, e per l’autra po il district da chant Surselva celebrar ses giubileum da 150 onns.

Per celebrar las 45avla festa da chant sursilvana ed il giubileum da 150 onns district da chant Surselva daventa Falera in grond vitg da festa – in vitg da chant. 1'000 chantaduras e chantadurs da 32 chors vegnan a s’entupar, ed almain anc ina giada tants visitaders.

En las duas baselgias – la parochiala e la baselgia s. Rumetg – preschentan ils chors 80 chanzuns da patg. La «Plazza fontauna» da Falera sa mida en in vitget da chant cun tribuna cuverta, blers stans e tendas da festa.

Il program da festa

08:30
Avertrura
09:30 - 15:15
Preschentaziun da las chanzuns da pag en las duas baselgias
17:00 - 18:00
Concerts da festa:
Kontra.cant en la baselgia s. Rumetg
Ensemble cantus firmus surselva en la baselgia parochiala
18:15 - 19:00
Concert communabel en il vitget da festa
Chor d'affons Surselva e Chor d'affons Sumvitg
19:00 - 20:00
Act festiv en il vitget da festa

RTR gizza egls ed ureglias per Vus

Geabain, era ils egls. Quest onn dat quai in novum: Sche vus na pudais betg sezs ir a chantar e tadlar a Falera, porta RTR a Vus ils maletgs e tuns directamain en stiva, cura che Vus vulais.

RTR filmescha tut las producziuns da festa dals 32 chors. Quels videos pudais vus lura guardar dapertut ed adina sin nos chanal da youtube:

Per vus giain nus novas vias, mo restain era tar la moda usitada e cumprovada. Era ils tuns da tut las producziuns da festa – ils dus concerts da festa e quel d’avertura – rimnain nus per Vus.

Las registraziuns pudais vus lura tadlar ruassaivlamain las emnas suenter la festa en las emissiuns «Noss chors» e l’«Artg musical». Ubain sin nos «Play festas», il link avra en ina nova fanestraavrir en il browser.

Survista da las emissiuns da la festa da chant a Falera

Noss chors13.06.2017
19:00Las producziuns da festa - part 1
Noss chors20.06.201719:00Las producziuns da festa - part 2
Artg musical
18.06.201714:00Il concert d'avertura
Noss chors27.06.201719:00Las producziuns da festa - part 3

Artitgels legids il pli savens