Carrieras alternativas paran dad esser interessantas, pertge musicistas stattan davant la camera, acturs piglian per maun la ghitarra e stars da ballape chantan. Surtut en questa categoria datti blers bels exempels.
Avant dus mais ha surprais la naziunala svizra da ballape. Yann Sommer, Stefan Lichsteiner, Xherdan Shaqiri, Granit Xhaka, Breel Embolo e collegas chantan ensemen «Imagine» da John Lennon e sustegna il persunal da tgira, ina acziun zunt simpatica che mussa che noss ballapedists han er talent musical, almain in pèr:
Chanzuns da giugaders da ballape datti gia dapi blers onns, in per da quellas èn daventadas cult. Il 1965 chanta Radi Radenkovic, il goli da 1860 München «Bin i Radi, bin i König» e riva fin sin la quarta plazza da la parada da hits:
Er Franz Beckenbauer chanta in onn pli tard, «Gute Freunde kann niemand trennen», però sco tar blers auters manca in pau il carisma:
Ils gronds campiuns da chantar èn ils austriacs. Legendaras èn las chanzuns da Hans Krankl e Herbert Prohaska. Els èn er d’udir e da vesair sco duo e chantan «Der Opitz und der Zwirschina». E lura Toni Polster, sin la plazza da ballape in dals megliers da ses temp: «Irgendwann sagt jeder einmal servus».
La collecziun da stars da ballape che chantan è anc lunga. Quai va da Pelé, Kevin Keegan, Ailton, Roger Milla, Paul Gascoigne e Neymar fin tar Cristiano Ronaldo. Tuts chantan cun gronda passiun – e lur videos en la rait han millis clics.