Sut il titel Brass’n’Hess ha la Societad da musica Vignogn preschentà la dumengia passada a Sedrun in program da concert cun il ghitarrist e chantadur da Country e Rock Dario Hess da Sedrun. En ina part ha Dario Hess sunà cun sia gruppa. E la musica da Vignogn ha interpretà tocs ord la litteratura da brass e dal Country.
Ensemen han la Societad da musica da Vignogn e la gruppa da Dario Hess sunà atgnas chanzuns e classichers dal Country. Per tuttas duas furmaziuns è la fusiun musicala ina buna experientscha.
Per tgi che ha manchentà il concert a Sedrun: Venderdi e sonda ils 23 e 24 da mars datti dus ulteriurs concerts da Brass’n’Hess a Vignogn.
TR Telesguard 17:40